Toggle navigation
User Image freeraindrops Posted: May 17, 2012 7:59 PM (UTC)

FEED
257
10 Amaro
"Adopt the pace of nature:her secret is patience" Ralph Waldo Emerson

More posts from this user

User Image freeraindrops Posted: Jan 21, 2018 6:51 AM (UTC)

18
0 Normal
اعرف ان التاريخ يكرر نفسه
و البشرية تمر بفترات تطرف
من الديني المتنطع المتشدد
الى الديني القشري او الا ديني
الي ما اعرفه
و لا استوعبة
بين هذا و ذاك
متى مرينا بالوسطية!!!
User Image freeraindrops Posted: Jan 19, 2018 8:28 AM (UTC)

288
0 Normal
"إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا"
User Image freeraindrops Posted: Jan 14, 2018 4:41 AM (UTC)

406
34 Normal
في ناس في الحياة تستكثر عليك كل شي
محبة الناس، النجاح، اي شي
يحسون لان عيونهم تشوفك بشكل معين
كل الناس لازم تشوفك مثلهم
يحسون انهم هم فقط الي فاهمين انت مين
و ما يشكون ابدا ان تقيمهم لك غلط او ان في أسباب ثانية كثير زي اختلاف شخصياتكم هي السبب في تكوين الحكم الي وصلوا له

او انهم ببساطة أسوأ من انهم يشوفون جمال شخصك

المشكلة مع الناس هذي
مو فقط تعاملك بشكل سيء او تستنقص من قدرك

هي تتمنى العالم يعاملك مثلها
لان عندها فقط
راح يحسون بالعدل
لازم الناس ما تحبك زيهم
ما يقدرونك زيهم
و المفروض يشوفون عملك ، عطائك الخ صغير زي ما هم يشوفونه
عندهم قناعة تامة ان اي شخص يحبك او يقدرك
ما يعرفك
و اذا منطقهم الظالم عجز يبرر لهم علاقتك الطيبة مع الآخرين الي عاشروك لسنوات
يبدون يبحثون عن أسباب اخرى اكثر خواء من الاولى
تواجدهم في بيئة العمل معك مثلا
ممكن يكون مزعج
الحل في اعتقادي مع الفئة هذي
هو التجاهل
لان السعي وراء فهم مشاعرهم
او تغيير صورتك
غالبا يبوء بالفشل
لان المشكله مو فيك
المشكله فيهم هم
و في ادراكهم
ما تتصلح الا بأمر الله و ثم بالتفاتهم
لنفسهم و تقويمها

مين مر عليه هذي الفئة، و في اي مرحلة عمرية؟
ما ادري ليش و انا اكتب فكرت بأكثر من شخص و منهم مدرسة لي للاسف كانت تستغرب انهم اختاروني كطالبة أحاور في تغيير المناهج و تطويرها مع التوجية ... و استغرابها ما وقف عند نفسها ... قالته امامي بصيغة بشعة بينت لي كيف هي تشوفني و كيف مستغربة ان اي احد ثاني في الحياة ممكن يشوفني غير! !
User Image freeraindrops Posted: Jan 13, 2018 11:03 AM (UTC)

365
19 Normal
من غير فلتر ، فجر اليوم ...تشوفون الهلال🌙؟ من كم يوم كنت اقنع سارة ان التلفزيون مو لها و اننا لازم نتشارك(محاولة قمت فيها فقط لاني ابيها تنام، في غير أوقات النوم إصراري يكون اضعف من اني احاول أفوز على سارة في هذي المواضيع)
المهم جلست تصيح و تقول
Noooo mama Sara turn
Not nicccceeeee
لعبت دور الام الصارمة ( ام صارمة بنتها ما ما تدخله السرير الا و هي نايمة "اعرف انه خطاء لكن الظروف😂") و قلت لها لا انتهى دور ماما
و حطيت برنامج وثائقي يتابعه ابو سارة
بين دموع سارة المستنكرة و اُسلوب إقناعي لها ان البرنامج جدير بالمتابعة باستخدام وااااو شوفي بحر واااااو شوفي عصفور واااااو شوفي سمك
و انا توني احس اني بديت اكسب المعركة و بديت استدرج انتباهها العنيد
شفت عصفور صغير امه جايبه له اكل و جالسه تأكله ...توني بقول لسارة شوفي!! الا سارة قالت ماماااااا بيبييييي "مع ابتسامه"
قلت لها صحححح
قالت ماما ...بيبييي....اممممم
قلت صح ام العصفور جالسة تأكله
سارة بدت تنشد، فكرة ان ام تاكل طفلها جت على وتر تحبه سارة

تونا وصلنا للحظة الرضا
يا سلااااام "انا استطييييع " في قلبي قلتها
لحظات سلام مرت
حطمتها صورة بشعة

طيور أشبه بالنسور نزلت من حيث لا اعلم
و بكل بشاعه التقطت صغار الطيور الي تونا عشنا لحظات السلام و الأمومة معاهم
امام اعيننا و في ثواني الطيور المتوحشة التهمت هذي العصافير الصغيرة الي لسه ما تهنوا بوجبتهم!!! سارة صارت تقول
بيبييييييي
ماما
بيبببيييييي 😰
على ما ادور الريموت حاولت أغمض عيونها
جلست اقول لها راحوا فوووووق
و ادور الريموت
سارة لسه مو مستعدة اشرح لك هذي الاشياء
لسه مو مفروض تتفهمينها و تعيشين على انها طبيعة
المفروض يكون ابشع شي في حياتك الان
اني ما افتح لك باب المطبخ
او ان طفل ياخد منك لعبة كانت بيدك

لسه حبيبتي ... مو المفروض تتعايشين على ان هذا الشي طبيعي
مو المفروض عقلك يقول انا امس اكلت دجاجة ! انا نسر ! و العصفورة كانت أيضا نسر لما اخذت السمكة من البحر عشان تاكل صغيرها
مو المفروض تكتشفين اننا كلنا نسور! قررت في الاخير ارجع احط لسارة البرنامج حقها
ما اذكر كان
Sara and duck
او أغنية
Brush your teeth
الاثنين ألطف من الواقع بكثير
User Image freeraindrops Posted: Jan 13, 2018 3:35 AM (UTC)
dannysbread
523
14 Normal
سارة نايمة نومة الظهر القصيرة
قررت في هذا الهدوء استمتع بلحظة جميلة
الجو عندنا مررره حره
طلعت التارت من الثلاجة و اول ما جت عيني عليها
في مخي اشتغل
انا لحبيبي و حبيبي الي 🍓❤️😂
User Image freeraindrops Posted: Jan 12, 2018 8:13 AM (UTC)

335
6 Normal
"إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا
User Image freeraindrops Posted: Jan 8, 2018 4:54 AM (UTC)

515
7 Normal
“Never forget the nine most important words of any family-

I love you.
You are beautiful.
Please forgive me.” H. Jackson Brown Jr.
User Image freeraindrops Posted: Jan 7, 2018 3:21 AM (UTC)
377
59 Normal
اليوم لوهلة تذكرت الويك اند كيف كان و كيف صار بعد ما سارة أشرقت في حياتي😂

المهم خارج موضوع اني ودي اتسدح بس الملابس تنتظر احد يغسلها و اكل سارة ينتظر احد يطبخه

سارة حبيبتي كملت سنتين و تقريبا اغلب السنه الماضية ما تستخدم (اللهاية) الا عند النوم (الظهرية و الليل) و دي حاليا أقطعها تماما وقلت اسالكم اذا في اُسلوب لطيف استخدمتوه لقطعها؟
هل أخفيها و امثل اني ما اعرف وينه و خلاص!
وله في طريقة ألطف و اقل كذب؟!
حاولت اليوم افهمها انها كبيره و ان بس البيبي يستخدمون اللهاية بس احسه مشوار طويل عشان تقتنع

فقلت اسالكم❤️
User Image freeraindrops Posted: Jan 5, 2018 7:54 AM (UTC)

541
8 Normal
"إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا"
User Image freeraindrops Posted: Dec 31, 2017 10:53 AM (UTC)
364
6 Normal
User Image freeraindrops Posted: Dec 31, 2017 9:04 AM (UTC)

271
6 Normal
User Image freeraindrops Posted: Dec 29, 2017 1:36 PM (UTC)

374
56 Normal
ليش الانسان لو ١٠٠ شخص يقول له انت ممتاز و شخص واحد يقول له انت فاشل، ما يركز مع ال١٠٠ و يفكر بالواحد الي قال له فاشل.

سؤال ثاني، ليش في ناس تعاشر ناس ما تحبها ! يعني افهم اذا معاك بالدوام و الشغل يتطلب الاحتكاك او من العائله الخ ...بس في ناس تصاحب و تعاشر ناس تضايقها سواء اصحاب او جيران؟

اخر سؤال ، ليش تحبوني انا و سارة؟
ما اقصد اذكروا الأسباب لا ! حقيقة ليش تحبوني و تعلموني بكل كرم انكم تحبوني انا و سارة و حصه. مرات احس الحب هذا وصلني لانه طالع من شخص كريم وله ليش! يعني ما تقابلنا ولا شفتوني و لا عاشرتوني عشان تعرفون اذا انحب او لا... هو السؤال مو بس علي عموما كيف نقدر نحب شخص ما نعرفه؟ و هل المعرفة فقط العشرة؟ طيب هل انا الي هنا نفسي انا في الحياة العادية! او اكثر مثالية؟ او اكثر نقدا؟ ما اعرف احس اكيد ما راح اكون نفس صراحتي و مرات اقول في اشياء قلتها هنا يمكن صعب اقولها في الحياة

الفكرة ان اذا انا مو عارفة اذا شخصيتي هنا مرآة لي كيف انتم تعرفون؟ وله مو مهم انا نفس الشخص او لا ! انتم تحبون الي هنا و بس!
في كل الاحوال ...ممتنة جدا ... شكرا جزيلا على حبكم الي يوصلني بطرق كثيييييرة ...كلمات و اشياء تسونها تلمس قلبي ❤️ احبكم
User Image freeraindrops Posted: Dec 29, 2017 7:53 AM (UTC)

335
2 Clarendon
"إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا"
User Image freeraindrops Posted: Dec 28, 2017 12:36 PM (UTC)
332
26 Normal
لان الاسبوع هذا اجازة
سارة ما راحت الحضانة
و بالتالي لازم ادور لي مكان اشتغل فيه على الأقل نص اليوم ، قررت اروح المكتبة العامة (مكتبة عامة يقدر يدخلها اييييي احد)

كمية الجمال ! تخيلوا هذا كان المنظر الي قدامي !!! يمكن لو قالوا لي اختاري ٣ اشياء تاخذينها معاك من استراليا للسعودية اقول :
١) القهوة
٢) المواصلات العامة
٣) المكتبات و نظام المكتبات الجامعي و العام

غير المنظر و النظافة، على كل طاولة معطينك مجال تشحنين الجوال و الاب توب الخ
المكتبة هذي اكثر من طابق و فيها مناطق مختلفة و فيها أيضا غرف اجتماعات ممكن تحجزينها و تجين تدرسين مع أصحابك او تكملون شغل جماعي الخ

اجهزة الكمبيوتر لك الحق تستخدمينها ساعتين بعدين تعطين المجال للي بعدك
وأي فاي مجاني ! من غير باسورد و لا شي و سريع!

في كل طابق في موظفات و موظفين يتأكدون ان كل شي ماشي على حسب القوانين و يعرضون عليك يخدمونك لو ما سألتهم ... و بابتسامة ممكن اقول مبالغ فيها من اللطافة ... اول ما طلعت من المصعد كنت احاول أتذكر اذا هذا الطابق الي زرته انا و احمد قبل، على طول شافتني موظفة كانت بتطلع فوق و سألتني اذا ضايعه او احتاج مساعدة.
دخلت بشنطتي و أغراضي ما احد طلب مني اترك اي شي لان و انت طالعة من المبنى في جهاز كشف زي حق المحلات.

الناس ملتزمة و لا احد جالس يزعج او يخرب ....هنا انا مره أغار على بلدي...
و اتمنى يصير عندنا شي زي كذا و يحافظون عليه الناس و الموظفين يكونون حبوبين و خدومين.

خدمات المكتبة هنا ما جربتها بس جربت خدمات مكتبة جامعتي ... اقدر احصل على اغلب المقالات الي منشورة في المجلات العلمية و اذا مو متوفرة ارفع طلب اون لاين و كم يوم توصلني ... غير الكتب ادور عليها اون لاين و اذا لقيتها في مبنى مختلف اطلب توصيلها و اذا مو موجودة اطلب من المكتبة توفيرها و يوفرونها❤️ يارب قريبا هذي الخدمات عندنا❤️ كطالبة بكالوريوس و ماجستير كثيييير اشياء كانت بتكون اسهل علي لو وفرة هذي البيئة لي
User Image freeraindrops Posted: Dec 27, 2017 8:54 AM (UTC)

516
31 Normal
*صورة قديمة من رحلتنا ل بورا بورا
اليوم للاسف ما فيه بركة😞 لا انا الي انجزت بشغلي و لا الي جلست و انبسطت

اكتشفت من كم يوم ان مر علي سنه و شهر ما اخذت اجازة!!! يعني ما جلست اسبوع من غير شغل🌚💔 اخذت يوم او يومين بس مو اكثر
المهم بما انه ضايق صدري قلت اسولف معاكم شوي ... من الاشياء الي لاحظتها باستراليا و الاستراليين (شي ممكن يعمم على كل الشعوب ما ادري ) ان الغرباء بالشارع يعاملوني بشكل مختلف تماما تماما اذا سارة معاي ! يضحك الفرق ! الابتسامة و فتح مواضيع و احاديث في الباص فقط لان معي طفل. و العكس تماما اذا ما معاي طفل. يضحك اني مرات انسى ان ما معاي سارة و استوعب😂من المواقف الي انحط فيها ليش الناس اقل "حبابة" او friendly
قد قلت لكم قبل الناس هنا بعد تبتسم لك و تعلمك بلطف اذا كان معك ورد😂شي تماما ما استوعبة!!! الاطفال اقدر استوعب، خصوصا كبار السن يحسون ان موضوع يمديهم يسولفون فيه معاك من غير معرفة او مقدمات زي الجو مثلا !
ما جربت الوضع بالسعودية، هل الغرباء يتحمسون يكلمونك اكثر اذا كان معك طفل ؟ اذا لا ايش تحسون الأوضاع او الظروف الي تحسس الغرباء ان يمديهم يكلمونك و يسلفون معك بالسعودية ، الخليج و الوطن العربي؟؟ انا عن نفسي كان ممكن ادخل بالموضوع لو مثلا ام و بنت يتكلمون بصوت عالي و جالسين يطالعون فيني 😂 مرات اوقف مع رأي الام و مرات استعطف الام على بنتها بشكل غير مباشر
اذا شفت احد ضايع اساله اذا يدور محل معين يمكن اعرف ادله... ايش بعد اذا احد يتحلطم بصوت عالي و يطالع بالناس الي حوله😂اذا عجبتني حلطمتها ممكن اعلق
و الاطفال كنت اقول كيوت ما شاء الله او امدح الطفل مع التسمية فقط بس ما افتح حديث مع الام

عموما ما احس عندي مشكله اتحدث مع الغرباء خصوصا اذا حديث عابر في باص و بوقف بعد كم محطة، او في السعودية عند مصلى في مجمع كذا ... بس مرات ما ارتاح للشخص و احس ابي اجاوب و امشي اعتقد يعتمد على الأسلوب
المهم واضح ما عندي سالفة و بس كذا اسولف 😂💔 سارة جالسة تشوف برنامج / كرتون بطريق و اكاد أشك ان فيه غسيل مخ😩 طايحة فيه فترة كل شوي ماما بينجون بينجون مرات احاول الهيها اخليها تسوي شي ثاني او تتفرج شي ثاني بس مرات تصر الا تبي 😰يارب تزهق منه بسرعه
الان عطيتها تنبيه اني بسكره التنبية يجي على هذي الصيغه ( سارة اااااخر مره ااااخر مره)
صارت اذا تبي شي و قلت لها خلاص بس يكفي ...تقول لي (اااااخ مرة ماما ااااااخ مرة ماما)😂
User Image freeraindrops Posted: Dec 26, 2017 4:40 AM (UTC)

553
106 Normal
في الصحيحين من حديث أبي هريرة ـ رضي الله عنه ـ أن النبي صلى الله عليه وسلم قال: "كل أمتي معافى إلا المجاهرين، وإن من المجاهرة أن يعمل الرجل بالليل عملاً، ثم يصبح وقد ستره الله عليه فيقول: يا فلان عملت البارحة كذا كذا، وقد بات يستره ربه ويصبح يكشف ستر الله عنه"

حزينة جدا ... كل يوم اقرأ شي جديد حصل في بلدي... كل يوم اكتشف ان الوضع يزيد سوء ... اول قلت يمكن ردة فعل و الناس بتستوعب و تهدا... بكرة يستوعبون ان عنادهم لفئة ما ، جالس يضرهم و ما ينفعهم... كلنا نغلط و نذنب ! ممكن نكون نسمع اغاني او نتابع أفلام او او الله يتوب علينا اجمعين
المصيبة لما نجعل الحرام شي "طبيعي" و "جزء من الحياة" لدرجة الي ينكره يحس انه منبوذ و أقلية و "غير طبيعي" .
هذي مو مبالغة! الكل جالس يقول ان اغلب الأماكن العامة في السعودية صارت "تصدح" بالموسيقى !! لدرجة مزعجة حتى لمتذوقين الموسيقى و محبيها ... صار الي يبي يطلع و "يرفه" عن نفسه و عائلته و هو يرفض سماع الأغاني ! ما يلقى مكان ! ليش ايش نستفيد و ايش نخسر ! لو قفلنا الأغاني ايش نخسر! ولا شي ...و اذا حطيناها ايش نستفيد و لا شي ! بالعكس بتخسر ناس متمسكة بمعتقداتها
يا ناس مو لازم نصير نسخة من العالم! مو لازم لأنهم يسون احنا نسوي

ترى مو المشكلة موسيقى في مقهى! المصيبة انك ما عاد تقدر تقول لو سمحت وطي الصوت !! المصيبة اننا شعب إقصائي
مرات كل شي حرام
و فجاءة كل شي حلال
و في الحالتين الي يناقشنا او يعترض منبوذ و يهمش و يصنف ب (منافق، يحب الفساد او متخلف، رجعي) على حسب الوضع و الحالة

تبون تنبسطون و ترفهون عن انفسكم والله في واااااجد اشياء ما تقتصر على حفل غنائي و مسخرة!

ارجع و اقول ربوا عيالكم خافوا الله فيهم علموهم ليش الحرام حرام ! مو بس تقولون لهم عيب و ما يصلح ايش يقلون الناس و بكرة لما الناس ما عاد تقول شي خلاص!

ما اطلب بالمثالية ... أطالب بالستر و عدم المجاهرة فقط .. اطلب نستحي من الله لما نغلط و ما نحس انه عادي
اطلب نستشعر حجم ذنوبنا و ما نتعايش معاها على انها شي طبيعي
اطلب نحاسب أنفسنا قبل ما يحاسبنا اي احد و نراجع أنفسنا
والي كان موقفه من الغلط كلام الناس ! و الان صار عادي ... ارجو ان يستوعبه ان غايته المفروض ارضاء رب الناس
و رجاء خلاص لا عاد تستخدمون عبارة (هذا مجرد ترفيه) لتبرير كل حرام ... الموضوع صار مقزز
User Image freeraindrops Posted: Dec 22, 2017 6:38 AM (UTC)

383
4 Normal
"إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا"
User Image freeraindrops Posted: Dec 21, 2017 7:19 AM (UTC)

473
29 Normal
بر سارة فيني يتجلى في مواقف مثل
-لما اطيح شي تجيبة من غير ما اطلب،
-لما أنسى جوالي أو "ما أنساه" تصر تعطيني إياه حتى لو لزم انها تتخطى عراقيل عديدة،
-لما اصقع بشي و أقول لها "دِدوو" تجي تمسح على محل الالم.
User Image freeraindrops Posted: Dec 18, 2017 2:11 PM (UTC)

386
35 Gingham
تخيلوا معي هذي الحوارات بين امهات
أم فلانه: أنا ما اصدق كيف ما شاء الله قدرتي تكملين رضاعة طفلك مع الضغوطات الي مريتي فيها...ما شاء الله عليك سوبر ام

أم فلان: والله الحمدلله نعمة من ربي ولا أنا كنت ميته من الضغط و التعب الحمدلله فترة و خلصت.

بعد قليل
أم فلان : ما شاء الله عليك أم فلانه ما شاء الله الي يشوفك ما يقول توك والدة الله يحفظك
أم فلانه: لا ايش دعوه 😅
أم فلان: لا ما شاء الله ربي لا يضرك
الان نروح لأمهات غير
أم فلانه: والله أنا ما ادري ليش تعبتي نفسك و رضعتي ابنك ! دام وضعك متعب ما كان له داعي!
أم فلان: والله أنا اتعب عشان طفلي "و غيري" يمكن يختار الاسهل [تعني أم فلانة] بس أنا أولوياتي طفلي

بعد قليل
أم فلان: الحمل يمكن ما اثر على جسمك بس شعرك تعباااان يا أم فلانه لازم تشوفين لك حل
أم فلانه: عادي ان شاء الله فترة و يتحسن ، المشكلة الجسم هو الي صعب ترجعينه [تقصد أم فلان]
احداث القصة تأليف من راسي 😂 ، بس واقعي جدا.
في ناس من النوعين الي فوق
ناس تحفز و تذكر الحلو في الأشخاص الي معاهم
و جزء ما يركز الا على السلبي و يحطم

للأسف أحسه موجود في الأمهات اكثر من غيرهم 😂💔 قلتها سبعين الف مره و راح استمر اقولها
مو سبااااااق
مو سباق

كل واحد فيه شي يميزه، شي يبدع فيه، شي جميل

و كلنا فينا عيوب

اختار انك تكون إنسان عيونه تشوف و لسانه يذكر جمال الأشخاص
اذا حطمتي احد أو همشتي انجازه ما راح تصيرين أحسن منه!
بالعكس أنا مؤمنة أنا اللطف معدي
لما تكونين لطيفة و تشوفين الحلو بالناس
هم لا إراديا يشوفون الحلو فيك

بس المشكلة في ناس، حتى لو شخص يمدحها ...كأنها في حرب مستعدة و تحسب المدحات (غنائم) و تبخل تمدحك عشان ما تصيرين ممدوحة اكثر منها أو تشوفين نفسك

خلونا نكون ألطف و نحب للناس الي نحبه لنفسنا
عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ:
((لَا يُؤْمِنُ أَحَدُكُمْ حَتَّى يُحِبَّ لِأَخِيهِ مَا يُحِبُّ لِنَفْسِهِ)) ❤️
User Image freeraindrops Posted: Dec 18, 2017 3:07 AM (UTC)

295
47 Normal
ملاحظات عامة غير مبنية على اساس علمي:

١) الناس الي اول ما تتعرفين عليها، تكون لطيفة بشكل مبالغ فيه، تطلع اكثر ناس تتجاوز حدودها معك و ما تعرف ايش الي يصلح ينقال و ايش لا.

٢) من البوست الماضي لاحظت ان الي يفوز بالمسابقات غالبا يفوز اكثر من مره، يعني نظرية الحظ ممكن تكون صحيحة😂
٣) الغرب الغير مسلم ما يعرف ان الرسول صلى الله عليه وسلم تزوج اول مره خديجة رضي الله عنها و هي اكبر منه ب١٥ سنه و يعرف فقط انه تزوج عائشة رضي الله عنها و انها اصغر منه.

٤) اكتشفت اني ما اقدر اصور لكم هذا المنظر فيديوا الا الفجر لان بعد الفجر يصير مررررره ازعاج

٥)اكتشفت البارحة اني من ٢٠١٤ الى الان ما زاد عدد المتابعين عن ٢٥، مع ان كثير يسون لي ان فالوا و كثير يسون لي فالوا 😂 يعني محافظة على الرقم ،برغم عدم حفاظي على نفس المتابعين.