Normal سارة المطوع
sara_almutawa مساء الفل
الي تحب المكرونه ترفع يده
مررره حبيت هالفكرة لكن ما حبيت الخامات والترتيب كان ممكن تكون احلى
الفكرة الحلوه فيها انها بدل ما تكون بوكية من الورد صارت بوكية مكرونه
احس تنفع كهديه لصديقه تحب الطبخ او مجدده مطبخة او مطلعه كتاب طبخ
او واحد يهديها لمرته ويقول له مشتهي هالمكرونه من ايدينك
الصورة صورته بسوبر ماركت في النمسا
1d

» LOG IN to write comment.

Normal سارة المطوع
sara_almutawa ليلة خميس طرَّز بها نور القمر
شطَّ البحر
نِصف الشَّهر والَّليل مِن فرحُه عريس
ليلة خميس
ويا حلو ليالي الخميس الله يوفق عروستنا الحبيبه
ندى ويسعدة يارب
كانت ليلة من اجمل الليالي
2d
  •   shams_a @reham_am هذا نفس الزواج الي حضرتيه صح 1d
  •   reham_am اي بنت خالتي @shams_a 1d
  •   abeer_almigren ماشاءلله الله يسعدهم...ايش تقربين للعروس ..لان المعرس ولد عمي 1d
  •   nalsharafi بالبركة .. الله يسعدهم و يهنيهم يا رب 1d
  •   sara_almutawa @abeer_almigren جد يا هلا ومسهلا بس كيف ولد عمك وهو مو من المقرن وانا عمة العروسه 1d
  •   abeer_almigren هلا بك زوود ياقلبي ...ابوي وعمي مو اشقاء اخوان من الأم.. 10h
  •   abeer_almigren فرصة سعيدة تشرفت بمعرفتك ياسارة..بس كيف شكلك بالعرس عشان اعرفك...انا كنت لابسه بيج واقفه جنب غيداء اخت المعرس.. 10h
  •   anatm02 6h

» LOG IN to write comment.

Normal سارة المطوع
sara_almutawa مساء الفرح والطير
مساء الذوق والأناقة ما ادري ليه اذا شفت العصافير
والطيور استانس
خاصه اذا كانت كشعار او صوره احسه تعبر عن مشاعر راقيه وطابع لشخصية مميزة
ويجي مع العصافير خبريات حلوه لازلت في اجواء اجازتي وان شاء الله اذا رجعت لكم دردشنا شوي بخصوصه
لكني اليوم ما تحملت لما شفت كل هالزين ما اعلمكم عنه
كنت اليوم في مشغل الملتقى بالرياض
من الظهر وانا طالعه عقب المغرب واشوف وحده لابسه جلابيه حلوه واقول ليت من عرف هالجلابيه من وين
واشوف الناس تخترش واطل الا اشوف
كم عرض لجلابيات يمكنهم عرضين
واحد كان بالكافيه تحت والثاني كان بالدور الأول الي هو المدخل
وكان العرض داخل محل مب بالسيب وادخل المحل
إلا واشوف ماشاء الله الحبيبة اسيل
قدامي وتفاجئت بمشروعها الحلو
للجلابيات اتمنالها كل التوفيق يارب مع بداية المشروع المميز وعقبال العالمية
وماشاء الله الي يعرف اسيل يعرف كيف لها ذوق رائع في اقتناء ملابسه بطريقه انيقه جدا
فعلا حسيت انه المشروع المناسب لشخص المناسب

بعد ما تفرجت على تصاميم اسيل
واطل الا اشوف الجلابيه الي كانت عاجبتني
وكنت اقول ليت من عرف من وين
واثرهم لابسين من جلابياتهم ويدورون
فيها بالمركز طريقه حلوه جدا في العرض
واقتنيت الجلابيه الحلوه وهي مررره بسيطه وبنفس الوقت فيها اناقه وفخامه ورقي وصورت لكم شكله من فوق
انصحكم تطلون على تصاميم اسيل الجميلة والراقيه في مركز الملتقى بالرياض
كان فيه مجموعه رائعه ان شاء الله تكون من نصيبكم ولازالت موجوده
وهي مشاركه عندهم ليومين فقط
الي هم اليوم وبكرى
وهذا انستقرامها الأنيق
@aseelcollection
والعصفور الي حبيته هو صورة من ضمن شعارها الرائع شوفوه على
كيس الجلابيه
انصحكم بمتابعته عشان تعرفون اوقات بازاراته وآخر اخباره وصورة الجميلة وعصافيرة الحلوه
ونشوفكم على خير يارب
5d
  •   makeup_mon تايعيني دوره مكياج مجانيه 4d
  •   ohoud_na ساره عودا حميدا ️ من زمان عن جلساتك وأجوائك البيتوتيه اليوميه الجميله ️ والكيكات الانيقه اللي من صنع يدك ️ ماعرف ليه اقولك كذا بس كل الاشيــاء الجميله ذي جت ببالي ومن زمان عنها ممكن لان اغلب الصور الاخيره اغلبها تقارير .. وأكيد مستمتعين بكل الحالات المهم طلتك علينا 3d
  •   noorahalsubaie_ @sara_almutawa عزيزتي ساره أسعدني كثير شوفتك ومعرفتك عن قرب في زواج ندى 3d
  •   sara_almutawa @noorahalsubaie_ انا اسعد والله مررره فرحت بشوفتك فرصه اكثر من سعيده 2d
  •   anatm02 6h

» LOG IN to write comment.

Normal سارة المطوع
sara_almutawa عبارة جميلة وشهية
مكتوبة على لوحه انيقه وبسيطه
السعادة فن بسيط لا تحتاج الى رفاهية كل القلوب تبتهج فقط حينما تقرر ذلك !!
.
.
عجبتني العبارة
الي هي واي فاي مجاني !! وتسعدني كل ما اشوفها بالأماكن العامه وارجوا ان حسابي يسعدكم كل ما دخلتوه
واشكر كل من سال عني
من اعماق قلبي
الحمد لله انا بخير وعافية
ومشتاقه لكم بالحيل
لكني انا في اجازة استجمامية
طويله حبتين وان شاء الله نرجع لكم بكل خير وحب
2w
  •   atheer2012d @sara_almutawa اجازه ممتعه باذن الله 2w
  •   dnonah تسعديننا جدا ... الله يسعد قلبك 2w
  •   manalalkhayyal اجازه سعيده ياحلوه 2w
  •   om_omar_33 غاليتي ساره افتقدناك من غير شر 2w
  •   najdiyah ياهلا والله 2w
  •   sultana_nasser الله يسعدك ويهنيك 2w
  •   reemas_ اجازه سعيده لاتطولين علينا 2w
  •   frecoffee لك وحشه ساره 1w

» LOG IN to write comment.

Normal سارة المطوع
sara_almutawa برقر بوتيك وما ادراك ما برقر بوتيك !! اذكر اول ما سكنت بالرياض
كنت مرررره متحمسة ابي ازورة
لأن أسمة كان يشد وبقوة كيف بوتيك للبرقر والله واروح له وكانت المفاجئة ان ديكوره جداً غريب خاصه مع ألواح الخشب الي كأنه أضلاع سفينة
كان الديكور يشد فيه فخامه مع النقيض بساطه عجيبه من أرضيات أسمنت واضائه خافته جداً !! الزحمة كانت عجيبه وجاء الاكل وقتها
وكان طعمة ما ينسى من لذته أبد
صك المطعم فتر ورجع فتح وانبسطت لكن المفاجئة كانت ان الآراء اختلفت عليه وان الطعم تغير وان أول كان أحلى !! رحت له اليوم كأول مره بعد ما فتح الصراحه المحافظة على نفس اجواء الديكور والأجواء عموما كانت عجيبه نفس الاجواء بالضبط
شدني المنيو اكثر شيء عبارة عن قطع
من الكراتين الكرتون البني ماغيرة
ومطبوع عليها المنيو بالوجهين
وعجبني العلب الثلاث الي حاطينه على الطاولات وحدة للكتشب وحدة صوص عبارة عن خلطه حارة مسمينة بيت المطافئ
و ثالث لذيذ نسيت أسمه
تفرجنا على منيو البرقر
من شفت نوع لحمهم استبشرت خير
كان انقوس وهو افضل وأغلى انواع اللحم الممتازة والمناسبه للبرقر
طلبنا نوعين من البرقر واحد كان اسمه بيكون سويس و الثاني انقوس بييف
وطلبنا دي واي فرايز
ونجي لتقيم الطعم !
الصراحه طعم البرقر كان لذيذ جداً جداً جداً والذ من اول او لاني يمكن مشتاقه له حسيت طعمة صار الذ
الصراحه كلمة لذيذ قليله عليه
واعتبرة الآن هو الذ برقر ذقته بالرياض في السابق كان همبرقيني رقم واحد
الحين صار همبرقيني رقم ثنين وبرقر بوتيك رقم واحد
يعني برقر على أصوله المدهنه الطبيعيه اللذيذه انصح فيه وبقوة وأعطية كطعم برقرعشرة على عشرة
متكامل مع الخبزة المدهنه بزبده
والصوص بخلطتهم الشهيه أعطت طراوه واللحم الطري ما احب البرقرات الناشفه ابد
والي ما يحب الدهن مب مكانهم برقر بوتيك رغم ذلك اشوفهم حاطين قسم للي ما يحبون الدهن الي حريصه تشوف منيوهم لهذه الفئه والفرايز كان لذيذ نوعا ما
والتحليله كانت برواني ويجي معاه ايسكريم الحلى كان لذيذ جداً جداً
وأنصحكم فيه
وفعلا لولا اختلاف الأذواق لبارت السلع
ومن فتح وانا ابي اروح له وكل ما رحت ماشاء الله زحمه ونرجع
ولا عندهم حجز
وهذا الشيء يخليني ما اروح له دايم
غير الجلسات ما فيها خصوصيه ابد
إلا الطاولات الي بالوسط عاد انتم وحظكم إذا كانت فاضيه او لاء وقت جيتكم .
.
بخصوص الأسعار
سعر البرقر الي طلبناه
كل وأحد بأربعين ريال
ودي واي فرايز بخمس وثلاثين ريال يكفي شخصين وأكثر
والبراوني مع الايسكريم بخمسين ريال .
وتصبحون على الف خير
1mon

» LOG IN to write comment.

Amaro سارة المطوع
sara_almutawa احب التفاصيل البسيطه ودكم بتقرير ؟! 1mon

» LOG IN to write comment.

Normal سارة المطوع
sara_almutawa هذي صورة أوضح لنهله مع ايسكريم أصفهان فرع دبي ، تصبحون على الف خير وآحلام سعيدة شكرًا لكم بنات الوقت معكم ممتع جداااً 1mon

» LOG IN to write comment.

Normal سارة المطوع
sara_almutawa وهذي صورة فاكهة ليتشي ️ جتني صور كثيره على الدايركت كلها
لايسكريم أصفهان بدول مختلفه
الأشكال متشابه نوعا ما
وعرفت اثر الكور حق الصوره الي بدبي كانت كور فاكة ليتشي
بينما فرع الرياض كان حاط لنا ليتشي بس شرائح فقط
وهذا سب اختلاق الشكل
1mon

» LOG IN to write comment.

sara_almutawa صباحكم سعادة وخير
وهذا هو شكل الايسكريم المطابق بالاسم فقط لصورة السابقه
لما رحت لادوريه الرياض وريت الموظف الصوره وقلت له عندكم مثل هذا الايسكريم وضحك قال ايه ايه عندنا هذا ايسكريم أصفهان
انا استغربت ردة فعله بس لما وصل الايسكريم انا قعدت اضحك هههههههههه
جد شكل ثاني وعلى قولة وحدة من البنات الي علقوا بالصورة السابقه فرع الرياض يقدمه زي كذا بس بدون هاللقيمات
عاد انا تحمست ابي هاللقيمات ما ادري تخيلتهن محشوات اكلير من جد كنت مستشره تو 😈
ليه ما يقدم عندنا بهذا الشكل الأنيق
لين جتني صوره تو بالدايركت لنفس
هذا الايسكريم فرع لادوريه لندن طلع شكله يشبه فرع الرياض فطلع برائه
فرع الرياض بس ما يمنع ان فروعنا تكون اقل مستوى من غيرنا 😕
.
.

طيب نعطيكم تقرير صوغنن عنه عشان توضح الصوره
هذا الايسكريم المغري جدا
اسمه ايسكريم أصفهان
وطبعا يقدمة لادوريه
والي يحبون حلى أصفهان من لادوريه اتوقع بيعجبهم الايسكريم مع اختلاف كبير بالطعم
الايسكريم يجي ثلاث كور كورتين لونهن وردي غامق طعمهن لذييييذ لذيييذ وحامض بنفس الوقت
وكورة ثالثه لونه ودي فاتح
طعمه ماء ورد ولذيذه جداً جداً جداً
وعموما وصف الايسكريم من المنيو هو: "سوربيه التوت ايسكريم ماء الورد توت طازج ليشتي صلصة التوت والكريمة المخفوقه "
وشو اليتشي ؟
دققوا بصورة الايسكريم
بتشوفون شرائح شفافه جمب قطع التوت
مجمل بها الايسكريم
هذي عبارة عن فاكهة استوائية موطنة الأصلي جنوب الصين
غنية بفيتامين سي ولها فوائد كثيراً
اذا ودكم حطيت لكم صورة فاكهة ليتشي

سعر الايسكريم غويلي
بخمس وخمسين ريال
تقييمي له لذيذ ويستاهل التجربه وبقوة وأعطيه ثمانيه من عشرة
1mon
  •   mskw3ood @amanit0o عشان ماي الورد قلت بيعيبج خخخخخخ 4w
  •   rafbr @wadha_h :) 4w
  •   wadha_h @rafbr !!!! 4w
  •   aumghala تابعوها @living22room 4w
  •   azooz_mano اهلين ساره كلامك فعلا لامس شي في داخلي دايما لما ازور اي مكان في العالم احب اجرب الكافيهات المشهوره عندهم مع حرصي الشديد على خلو الحلويات من الجيلاتين او الواين .. وماشاءالله كالعاده يفتح بعد فتره فرع للكوفي عندنا في الرياض وتكون صدمتي عظيمه بعد تجربته ولما اعلق تجيني الردود ابد نفس الطعم بس لانه برا يحلى مثلا لادوريه باريس جربت منهم انواع كثير من الماكرون والحلويات اللي طعمها للحين في فمي مع اني ذايقتها من 5سنوات ولما جربت نفس الانواع في لادوريه الرياض لقيت الطعم مختلف تماااما والقائمه بباقي الكوفيهات تطول .. موضوعك حمسني ابحث عن السبب ليش هالاختلاف واليوم عرفت معلومه جديده علي بس مدري يمكن تعرفونها انو لكل دوله وكيل خاص يختلف عن باقي الدول ف لادوريه الرياض يختلف وكيله عن لادوريه دبي وحتى الاسعار ممكن تختلف على حسب ما قال وكيل لادوريه الكويت انو فرعهم ارخص فرع للادوريه وان هالرخص راجع لرغبتهم في كسب رضى عملائهم الخلاصه ان فرع دبي حريص على رضى العميل فقدم الحلى بشكل جميل وبمكونات غنيه وراهيه وان ارتفع سعره ..بينما فرع الرياض قدمه زي ماوصلك سعر مرتفع مقابل مكونات غير غنيه والله لنا بس 4w

» LOG IN to write comment.

Normal سارة المطوع
sara_almutawa بنات أحسكم طفشتوا من التقارير
وش رآيكم بهذي الصورة ؟! الصراحه حسيته شيء غير قابل للمقاومة
أخذت الصورة من حساب اختنا من الامارات نهله على أساس ان الايسكريم من لادوريه️ وفرحت ان عندنا بالرياض لادوريه وقررت اروح واجربه
توقعون طلع لي زي بالصوره
1mon

» LOG IN to write comment.

Normal سارة المطوع
sara_almutawa مساكم الله بالخير
ونختم معكم تقرير تجربتي مع مقهى الشاي الأنجليزي فورتنم اند مايسون
fortnum and mason
في مدينة دبي الحبيبه بهذي الصور من موقعهم على النت
.
.
وأنا ابحث لكم عن معلومات للمقهى
لقيت موقعهم بالنت وهذا هو الرابط
http://www.fortnumandmason.com
حاطين فيه كل منتجاتهم مع الأسعار وشكل عندهم بيع وتوصيل
وفيه كل انواع الشاي سواء الفله او اللي زي اللبتون
وحطيت لكم صورة بسكويت الروز لذيذ جداً هو الي فوق لونه وردي على بنفسجي بأسطوانه طويله
وعندهم علبة بسكوت غريبه
عجبتني مثل العلبه الي صورته تحت
على اليسار ومرسوم عليه لعبة الأحصنة الشهيره العلبه كيووووت تخيلوا تدور وتطلع أصوات عن طريق البرم يعني بدون بطاريه بس تبرمونه وتشتغل تعبئه يدويه بس ما جربت نوع البسكويت
فقط استمتعت وانا اتفرج عليها بالمحل وعندهم خيارات كثيره وبس ودي اتكلم اكثر من كثر ما عجبني
اتمنى قدمت لكم معلومات مفيده
الصراحه ما جربت الطلب من موقعهم
فما اقدر أعطي تقييم
وهذا حسابهم بانستقرام لفرع دبي
@fortnumsdubai
وارجوا اني قدمت لكم معلومات حلوه
وتصبحون على الف خير
1mon

» LOG IN to write comment.

sara_almutawa مساكم الله بالخير
ونكمل معكم تقرير تجربتي مع مقهى الشاي الأنجليزي فورتنم اند مايسون
fortnum and mason
في مدينة دبي الحبيبه
.
.
ماشاء الله عليكم يا بنات
فعلا أغلبكم جابه صح
اخترت شاي إفطار الزواج
وكان الشاي هذا توليفه محضرة
خصيصا لأهم حدث مفرح عندهم
لزواج الأمير ويليم بكاثرين ميدلتون
هذا الحدث كان مأخذ جو قوي بذيك الفترة وسواليف الزواج وفستان كاثرين
الساتر ونعومة طلته وأخته الي زفته وكانت لابسه ابيض عاد شريط العرس كله
وقررت اختاره خاصه ان وصف الشاي كان ممتع وعندكم صورته تمتعوا بقرائته
الصراحه كان طعم الشاي لذيذ جداً جداً لكن مستحيل اطلبه مره ثانيه لاني حاسه ان عندهم انواع الذ وخاطري أجرب شيء جديد من الي علق بذهني
واذا أحد منكم بنات جربت نوع وعجبه ياليت تكلم لنا عنه
.
.
الكافيه رائع ويستحق الزيارة وبقوة وعندهم فقرة الافتر نون تي مميزة مما سمعت لكني ما جربته واذا جربته في يوما ما راح اعطيكم تقييمي له
تمنيت اني رقيت لدور الثالث دور المثلجات
واكتب لكم عنه
اما الدور الأرضي فمناسب لتسوق لكم من مربيات وأنواع الشاي وغيره من بسكويتات او هدايا وعندهم علب رائعه للهدايا لشاي والبسكويت وعندهم بسكويت الروز رائع جداً سواء شكل العلبه او طعم البسكويت
الأسعار تمنيت اكتب لكم عنه بس دورة الفاتورة تو وما لقيته لكن عندنا حل للي تبي الأسعار
وزي ما وعدتكم بالنسبه للبنات الي حبوه وخاطرهم يجربونه لقيت لكم شيء حلو
انتظروني مع الصورة القادمه
1mon

» LOG IN to write comment.

Normal سارة المطوع
sara_almutawa مساكم الله بالخير
ونكمل معكم تقرير تجربتي مع مقهى فورتنم اند مايسون
fortnum and mason
في مدينة دبي الحبيبه
.
.
وندخل معكم لأهم فقرة بالمقهى
وهي قاعة الشاي
وندخل في تفاصيل الشاي حبيب الأغلبية
ودي اقول مع الشاي حبيب الكل بس انا عارفه بتكون صيغة مبالغه
لان فيه فئة ما يستهويها الشاي ابداً
لكن رغم ذلك مستحيل يخلي
اي بيت من الشاي
.
.
وفتحنا هذا المنيو الأنيق الي بالصوره ماشاء الله كانت انواع الشاي كثيرة
لكن اكثر شيء شدني مب كثرة الأنواع
الي شدني انه فعلا شاي فاخر يمكن كثيرين يكتبون على القهوة والشاي انه فاخر ككلمة إستهلاكية تسويقية
لكن مع فورتنم اند مايسون حسيت أني فعلا امام شاي فاخر وانهم من أوائل الشركات الي دخلت المزادات في الحصول على الشاي الهندي بالاضافه انهم بالمنيو يذكرون لكم بعض التفاصيل من اسم المزرعه وهل هي على وادي او تل وغيره من التفاصيل .
.
بتلاحظون انهم مقسمين منيو الشاي
عدة أقسام كان منها الي انتبهت له :
١- الشاي الأسود
٢- الشاي الأسود منشأ وأحد
٣-توليفات شاي فورتنم الشهيرة
وغيره من الأقسام وكل قسم تحته انواع عده
مثلا من انواع الشاي الأسود :
١- شاي هاتيالي "ما ادري عنكم لكن انا من النوع الي أذوب عند هذي التفاصي " مكتوب بوصف شاي هاتيالي :
تشتهر مزرعة هاتيالي بإنتاج شاي البراعم الذهبيه فاخر الجودة حيث تتميز مشروبات الشاي بطعمها السلس المتجانس مع الروائح العطرية ونكهاات الزبيب .
انا ذبت روائح عطرية و نكهات زبيب
غير عن نكهات الفراولة والمشمش وغيره اغلبه نكهات جديده علي
٢- و فيه شاي كان اسمه :
"جوند أوثينتك فوجيان لابسانج "
كاتبين في وصفه :
يتم تعريض أوراق الشاي الطازجة لدخان الصنوبر الحلو في جميع مراحل تصنيعه وبذلك تصبح أوراق الشاي معطرة بالصنوبر الحلو مكونة بذلك توازنا رائعا مع النكهات الأخرى .

وكل ما تعمقت بالمنيو استمتعت بقرائة نكهات اكثر زبيب عنب عسل زهرة البرتقال
والألوان شي كهرماني وغيره
ولا حظتهم في بعض الأحيان يقدمون تفاصيل دقيقه طعم خالي من المراره طعم
يترك طعم جافاً على الحلق
وبعض الأنواع كانوا يقدمون معها نصائح مثل يفضل شربه مع حليب ️ ما ادري كيف هالتفاصيل ممتعه
أتخيل شكلي في مزارع الشاي في اليونان والهند وسيلان
وكيف المزارعين يقطفونه ويجففونه ويعطرونه
مع كل هذا ألكم الهائل عجزت اختار
لين طحت على توليفه واخترته
وش توقعون التوليفة الي طلبته ؟!
بغششكم كان اسمه عادي لكنه يتعلق بحدث كان حديث الناس سواء في بريطانيا او حول العالم وبالأخص حديث كل النساء 👭
1mon

» LOG IN to write comment.

sara_almutawa من الأعماق استعدوا نكمل التقرير 1mon

» LOG IN to write comment.

sara_almutawa صبحكم الله بالخير
ونكمل معكم تقرير تجربتي مع مقهى الشاي الأنجليزي فورتنم اند مايسون
fortnum and mason
في مدينة دبي الحبيبه
.
.
يا حبي لكم يابنات ماشاء الله عليكم خلاص بعضكم عرفوا ذوقي
فعلا كان طلبي للفطور هو
فلورنتين البيض
وهو عبارة عن بيض يشبة الاق بندكت
مع سبانخ ومحطوط فوق
المفن الانجليزي مع صلصلة هولنديز
وطعمة لذيذ جداً جداً جداً
للي يحبون السبانخ
وأعطيه تسع ونص من عشرة خيار جداً ممتاز كا فطور
وهذا الدور الي هو الدور الثاني
فهمة انه قاعة الشاي وهو الدور المخصص لشرب الشاي لحاله او مع الفطور او الافتر نون اي او مع البسكويت او غيره من المخبوزات
والمحل مشهور بتقديم الافتر نون تي ويبدأ عندهم الظاهر من الصباح .
.
إلى هذا الحد نتوقف وبكرى راح اكمل لكم التقرير والبنات الي حبوه وما حصل لهم زيارته عندي لكم خبر حلو ان شاء الله
ونشوفكم مع تتمة التقرير
1mon

» LOG IN to write comment.

sara_almutawa صبحكم الله بالخير
ونكمل معكم تقرير تجربتي مع مقهى الشاي الأنجليزي فورتنم اند مايسون
fortnum and mason
في مدينة دبي الحبيبه
.
.
ورقينا لللدور الثاني الأنيق
وهو الدور المخصص للفطور
وشاي الافتر نون تي
والي فهمته ان الدور الثالث
مخصص لأكل الايسكريم
.
.
كانت خيارات الفطور معقوله جداً
بصفحه وحده وقدرت اختار
اما منيو الشاهي سبب لي دوخه ذهنية
الأنواع كثيره جداً جداً جداً
وانا ماعندي فيه خبره
نعطيك جوله سريعه مع بعض الأنواع
لشاي وأيش اخترت من الأنواع
بس وش توقعون اول اخترت فطور
1mon

» LOG IN to write comment.

Video سارة المطوع
sara_almutawa المقطع فيه موسيقى خافته من المحل
.
.
صبحكم الله بالخير
ونكمل معكم تقرير تجربتي مع مقهى الشاي الأنجليزي فورتنم اند مايسون
fortnum and mason
في مدينة دبي الحبيبه
.
.
هذا المقطع القصير قصيته لكم والا فيه تفاصيل اكثر وحلوه سواء لديكور مع علب الشاي والهدايا والسلال او المنتجات من البسكويت والمربيات والمواعين وغيرهم .
.
نرجع الآن إلى عبارة بيكاديلي منذ عام الف وسبع ميه وسبعه
ماشاء الله المحل له اكثر من ثلاث ميه سنه وخلال كل هالسنوات كان له فرع وأحد فقط وهذا الفرع تأسس على يد خادم "الملكة آنّ في العالم
1707
-منهي الملكة آنّ عاد ما اعرفه ان الي لحقت عليه إليزابيث خويتنا ما غيره -
وكان المحل في البيكادللي أحدى ضواحي لندن الراقية
وتمتع “فورتنوم اند مايسون ”
بعلاقات عريقة وطويلة مع القصور الملكية
وهي حاصلة على امتيازين ملكيين
فخريين من صاحبة الجلالة ملكة إنجلترا وصاحب السمو أمير ويلز
ويشار إلى أن الشركة افتتحت ثاني متجر لها في بريطانيا في شهر نوفمبر من العام الماضي وهو الثاني من نوعه كمتجر مستقل بعد مضي
307
سنوات"
الي بين قوسين معلومات أخذته من النت مع تعليق بسيط لي والي فهمته بعد هالفرعين بلندن فتح فرع ثالث وكان من نصيب مدينة دبي الحبيبه
وبرضو قرأت ان فورتنوم اند مايسون تورد لقصر الملكة إليزابيث حاليا البسكويت والشاي وأنه من المحلات المفضلة عندها
.
.
خلونا نرقى فوق لدور الثاني انا جعت وأبي آكل الفطور هههههههههه
أنصحكم تفطرون فيه او تقهوون وبعدها تنزلون لهذا الدور لتسوق بسيط
وعلى فكرة المحل فيه اصنصير عدلت المعلومه
بس انا ما انتبهت له
والله يجزاهم خير نهلة وخواتنا من الإمارات صححوا لي المعلومه وانا اثق فيهم
1mon

» LOG IN to write comment.

sara_almutawa صبحكم الله بالخير
ونكمل معكم تقرير تجربتي مع مقهى الشاي الأنجليزي فورتنم اند مايسون
fortnum and mason
في مدينة دبي الحبيبه
.
.
محل فورتنم اند مايسون فرع دبي
موقعه رائع جداً جداً جداً
اذكر بآخر زيارة لي لدبي
الي قبل هذي
كنت اشوفهم وهم يشتغلون عليه وكنت اقول ماشاء الله وش راح يفتح هنا بهذا المكان الاستراتيجي
موقعه قدام النافوره الراقصة بالضبط وقدام برج خلفيه وبنفس الوقت يقع بين دبي مول وفندق ذا ادرس داون تاون
يعني هو محل مستقل لكن جمب دبي مول
وبنفس الوقت مطل على النافوره الراقصه .
.
المحل صغير جاي مستطيل بين شارعين وهو عبارة عن ثلاث أدور وكل دور فيه جلسات داخليه و خارجيه مطلة على النافوره
اول ما تدخلون الدور الأول
وهو أكبر دور عميق جداً فيه قسم كبير كله لبيع الشاي بعلب رائعه وفاخره وألوان تفتح النفس ويبيعون انواع من البسكويتات
وبعض قطع المواعين المخصصه للشاي بالتقاليد الانجليزية وغيره من المنتجات المتنوعة
اكثر ما شدني لما شفت على هذا الكتيب الي بالصورة مكتوب عليه :
"فورتم اند مايسون
بيكاديلي منذ الف وسبع معيه وسبعه "

واو ماشاء الله وش هالمحل الي ثلاث مية سنه وتوي اسمع عنه عموما احب المحلات الي تكون لها قرون مثل هذا المحل له اكثر من ثلاث مية سنه يعني ثلاث قرون خلونا نستكشفه اكثر
1mon

» LOG IN to write comment.

sara_almutawa صبحكم الله بالخير
ونبدأ معكم تقرير تجربتي مع مقهى الشاي الأنجليزي فورتنم اند مايسون
fortnum and mason
في مدينة دبي الحبيبه بهذي الصورة
.
.
وهذي صورة المدخل وزي ما هو واضح قدامكم مقصصين الزرع الأخضر على شكل إبريق شاي يعني حي الله حبايب الشاي الفاخر ️ وش قصة هالمحل وأيش يقدم
وهل له فروع ؟! خلونا نستكشفه وكلها معلومات بسيطه بعضها من تجربتي وبعضها قرأت عنه وبحثت بالنت عن بعض المعلومات بعد ما أعجبني
متحمسين
1mon

» LOG IN to write comment.

sara_almutawa مساء الفل
ونختم معكم تقرير تجربتي
مع أريج آرت كافية
الي متواجد داخل سنتريا مول ب
الرياض بهذي الصوره ️ .
.
والآن نتكلم لكم عن
مشروب آفوقاتو الرائع والممتع
لاحظت بعض البنات لخبطوا
وحسبوني اقصد ثمرة الافوكادو
هو المشروب هذا بالقهوة و بالإنجليزي
ينكتب
affogato
وفيه فرق بالسبلنق ما بين مشروب افوكادو الاسبريسو وثمرة الأفوكادو
بالعربي تنكتب زي بعض بس الانجليزي
يختلف السبلنق وكل واحد له معنى آخر .

مشروب القهوة الي أسمة آفوكادو
فكرته يسوون لكم شوت اسبريسو بكأس صغير مخصص للأسبريسو
ويقدمون لكم معاه آيسكريم وانتم تصبون الاسبريسو على الايسكريم
وبعدها تأكلون الايسكريم
والباقي تشربونه
المشروب رائع جداً خاصه ان الاسبريسو كان ضابط
من كثر ما عجبني واحد صبيته على الايسكريم
وطلبت وأحد ثاني اشربه مع الايسكريم
سألتهم عن البن وقالوا لي انه كولومبي
تقيمي لهذا المشروب عشرة على عشرة واعتبره الذ تجربه ممكن الواحد يجربها للأفوكادو بالرياض
وسعرها غالي بأربعين ريال
وحسبوا لي الفنجالين بسعر واحد
عموما تجربه رائعه بالنسبه لي
واحسه يسوى
لكن بقولكم معلومه عن الاسبريسو
مرات يطلع لذيذه اذا كان البريستا ممتاز ومرات وحتى البريستا ممتاز ما تطلع لذيذه لانه تحتاج دقه ومهارة فائقه
وفوق هذا لما شفتها لذيذه كذا
سألتهم كل كم تغسلون المكينه
قال يوميا غير الغسل بالمواد المخصصه وهذا اكثر شيء يخلي الاسبريسو لذيذ الي هو نظافه المكينه
ويارب الي خاطرها تجربها يصير حظها حلو ويطلع لذيذ مثلي .
.
هل اقدر أقيم الكافيه عموما لا طبعا
انا ماجربت الا هذا المشروب وعجبني
وارجوا أنكم استمتعوا معاي بمعلومات جديده
وتمسون على الف خير
1mon

» LOG IN to write comment.