Hudson سارة المطوع
sara_almutawa اللهم ارزقنا الفرح بفضلك واحسان الظن بما عندك
ولا تكلنا لسوء ظننا ولا لوعد الشيطان ليحزننا
وارزقنا الرضا والفضل والزيادة من عندك
آمييين تأملوا معي بعض آيات الفضل في القرآن الكريم يقول الله تبارك و تعالى : " قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا"
.
" وَاللَّهُ ذُو الْفَضْلِ الْعَظِيمِ"
.
"يَسْتَبْشِرُونَ بِنِعْمَةٍ مِّنَ اللَّهِ وَفَضْلٍ وَأَنَّ اللَّهَ لَا يُضِيعُ أَجْرَ الْمُؤْمِنِينَ "
.
"الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاء وَاللّهُ يَعِدُكُم مَّغْفِرَةً مِّنْهُ وَفَضْلاً وَاللّهُ وَاسِعٌ عَلِيمٌ "
.
"وَلَوْ أَنَّهُمْ رَضُوا مَا آتَاهُمُ اللَّهُ وَرَسُولُهُ وَقَالُوا حَسْبُنَا اللَّهُ سَيُؤْتِينَا اللَّهُ مِنْ فَضْلِهِ وَرَسُولُهُ إِنَّا إِلَى اللَّهِ رَاغِبُونَ"
وتذكر ان الرضا اول الدرجات للحصول على فضل الله
وان ذلك يحتاج الى صبر ومجاهدة "وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا "
اللهم ارزقنا كل خير وكل سبيل يعيننا على رضاك وفضلك والخير من عندك
تصبحون على الف خير وفضل من الله ورحمة من الكريم الودود الحنان المنان الحي القيوم
3d
  •   tuaimi آمين 2d
  •   thuraya_00 آمين يارب 2d
  •   bsho0orah_ اميت 2d
  •   bsho0orah_ ن 2d
  •   lolitulip جميلة الصورة .. الله يسعدك 2d
  •   k_lody_5 الكلمات في قمة الروووعه اشكرك عليها 2d
  •   reem_thu @sara_almutawa هلا وغلا كيفك ياسارة وكيف الوالده وخاله منى 2d
  •   reem_thu ياقلبي خل نشوفك انا برياض 2d

» LOG IN to write comment.

Hudson سارة المطوع
sara_almutawa يا مساء الفل
وش اكثر كيكة منزلية تحبونه
عن نفسي مجموعه بسيطه من الكيكات ومن بينهن كيكة التمر شيء يفرح من قلب
خاصة مع صوص التوفي
3d
  •   frecoffee كيكة التمر والسمسم المنديل اللي فيه اخضر نفس صحون وكاسات الريتز كارلتون البحرين 3d
  •   nalsharafi كيكة التمر و كيكة البيدام وكيكة الڤانيلا وَيَا قطع الرازبري 3d
  •   treeq222 الجزر جوز الهند الدايجستيف 3d
  •   loli_mknzy مافن كيك بتي كروكر فنيلا بقطع الشوكولا 3d
  •   reem_alajlan كيكة البهارات احط معها زنجبيل و قرفه و مسمار و اغطيها بجوز هند ولوز ...مرره يمي ...وبألف عافيه سفره مرتبه تفتح النفس 3d
  •   mn0or_z ياعساه بالعافية ياوخيتي 3d
  •   almethag عجيب حسابك.. ترددت في إضافتك عندي!؟ ربما تتعجبين لمن تشوفين متابعيني قليل لأنه بالفعل انا أبحث عن اللي يناسب معتقدي ومبدأي ولمن أخذت أتنزه في حسابك حبيتك لمن لمست فيك اللي أتجول لأجله.. موفقة دنيا وآخرة يارب. 2d
  •   nkq79_ كيكة البرتقال 2d

» LOG IN to write comment.

sara_almutawa تكملة للمقال في الصورة السابقة :

فكروا الآن بشخص اساء الظن فيكم ؟!! وتفكروا في قولة تعالى : "يا أيها الذين آمنوا اجتنبوا كثيرا من الظن إن بعض الظن إثم ولا تجسسوا ولا يغتب بعضكم بعضا أيحب أحدكم أن يأكل لحم أخية ميتا فكرهتموه"

انا متاكدة ان اغلبكم بدون ما يغمض عيونه راح يتعكر مزاجه وشفايفة راح تتحول لاشكال غريبه او اشكال تنفع لتصوير فوتو جينيك بس مضحك 😛
.
.
الآن قرروا وش تحبون تكون ردة فعل الشفاه لما تفكر فيكم الناس !? وتذكروا قولة تعالى : " إن الظن لا يغني من الحق شيئا "

اللهم اسعد قلوبن بحبك وبحب من يحبك وارزقنا رضاك والجنة واجعل قلوبنا صافية آمنة مطمئنه راضيه مرضية واعنا يالله على ذكرك وشكرك وحسن عبادتك
آمييين
4d
  •   nougc1 @x_bushra9 اقري كلامها بصورها مشاء الله . 3d
  •   rawya_ اللهم امين 3d
  •   jawaress 3d
  •   _khulood آمين وشكرا على هالمقالات اللي تشرح الصدر الله يسعدك سارة 3d
  •   frecoffee امين جزاك الله خير سارا 3d
  •   frecoffee بليز سارا نبي تقارير عن باريس 3d
  •   najdiyah ااامين 3d
  •   lilyrose2013 رائعه جزاك الله كل خير 3d

» LOG IN to write comment.

sara_almutawa صفاء القلب تاج على رؤوس الأنقياء لايراه إلا ؟!! اذكر لما شفت هذا الباب لأحد العماير في باريس مرره عجبني فيه اناقة وبساطه تدخل القلب
وقعدت افكر هل اذا دخلت راح يستمر هذا الجمال والا فقط جمال خارجي !! بعض القلوب تحس بجماله من الفاظه تسحرك سحر عجيب لكن مع الوقت تبداء تعرف ان جمال قلب الشخص مب بس بجمال كلماته بل بجمال تصرفاته ويبهرك بحسن ظنه وصفاء قلبه الي يتضح مع الوقت
كثير هم الناس الي يسعدونا ويارب يكثرون اكثر واكثر
خذوا نفس عميق وغمضوا عيونكم وفكروا في اي شخص
او مجموعة اشخاص مروا عليكم بحياتكم وكانت قلوبهم صافية يفرحون لفرحكم يواسونكم في حزنكم ويعذرونكم في غيابكم .. اشخاص الابتسامة ما تفارق شفاههم ولا قلوبهم تحسون بسعادة في تواجدكم بقربهم
وبعدها كملوا قراءة المقال ما راح تاخذ منكم التغميضة ولا دقيقه
.
.
انا متأكدة انكم راح تبتسمون وبقوة لدرجة تخافون ان طرف خشتكم يتشقق وتسوون كنترول على الابتسامه
اخليكم مع مقتطفات من هذا الحديث القريب للقلب إِذ قال : " يطلع عليكم الآن رجل من أهل الجنة ".. .
فلما قام رسول الله صلى الله علية وسلك اتبعة عبد الله بن عمرو بن العاص فقال له : إني لاحيت أبي فأقسمت إني لا أدخل عليه ثلاث ليال فإن رأيت أن تؤويني إليك حتى تحل يميني فعلت قال :نعم
قال أنس : فكان عبد الله بن عمرو بن العاص يحدث أنه بات معه ثلاث ليال فلم يره يقوم من الليل بشيء
غير أنه إذا تقلب على فراشه ذكر الله وكبره حتى يقوم لصلاة الفجر فيسبغ الوضوء
قال عبد الله :غير أنى لا أسمعه يقول إلا خيرا فلما مضت الثلاث الليالي وكدت أن أحتقر عمله قلت :يا عبد الله
إنه لم يكن بيني وبين والدي غضب ولا هجر ولكني سمعت رسول الله صلى الله عليه وسلم يقول لك ثلاث مرات في ثلاثة مجالس: " يطلع عليكم الآن رجل من أهل الجنة " فاطلعت أنت في تلك الثلاث مرات ، فأردت أن آوي إليك فأنظر ما عملك؟
فأقتدي بك فلم أرك تعمل كبير عمل فما الذي بلغ بك ما قال رسول الله صلى الله عليه وسلم ؟
قال:ما هو إلا ما رأيت فانصرفت عنه فلما وليت دعان وقال:ما هو إلا ما رأيت غير أني لا أجد في نفسي غلاً لأحد من المسلمين ولا أحسده على خير أعطاه الله إياه " فقال له عبدالله بن عمرو: هذه التى بلغت بك وهي التى لا نُطيق"

يالله حديث جميل يجذب القلب
لدرجة تتمنى فيها تنافس هذا الشخص وتكون من اهل الجنة بالدنيا قبل الآخرة وتستمع بنعيم اهل الجنة "ونزعنا ما في صدورهم من غل إخوانا على سرر متقابلين"
اللهم ارزقنا صفاء القلب واغسلة من كل غل وحقد وارزقنا قلوب تحفنا بحبها وقربهابصفاء ونقاء.
.
التكملة بالصورة القادمة
4d

» LOG IN to write comment.

Normal سارة المطوع
sara_almutawa حكايا خميس
كان عندي بعض الاحلام من بينه اني اكون صحفية ولي عامود بالجريدة اتكي عليه
صحيح المقالات تنكتب بحروف بس قرائتها وقوتها اقوى من صوت اي مكروفنات بالعالم
اليوم اهوجس بذا الحلم وافكر وش كان ممكن اسمي عامودي الجميل ؟! بوح خميس حكايا خميس امممممم 💭
.
.
قبل كم يوم حضرت مناسبة كانت رايقه جداً واستمتعت فيها لدرجة خلت مزاجي رايق بطريقة حلوه الأكيد ان راعية البيت الله يحفظها كان لها دور كبير بهذي الأجواء الماتعه نجاح اي جمعة لها دور كبير باجواء الترحيب والطاقة الحلوة الي تنبع من اهل البيت الي تحس فيها حتى الجدران مب بس القلوب بالراحة والسعادة
.
.

كانت الخادمة الفلبينيه تساعد اهل البيت في الضيافة والي كانت حتى هي تدخل القلب كانت تضيفنا وتتكلم عربي بطلاقه وتتصرف بنفس عوايدنا بالسعوديه بتقديم المأكولات كانت اذا قلت شكرا ما ابي تقول هذا لذيذ لازم تذوقينه
انواع التلزيم بطريقه حلوه اذكر لما وزعت علينا مصابيب كانت تقول تفضلي هذا بانكيك القصمان
دخلت قلبي هالفلبينية بشاشتة وحبابته خلت الجلسه بنكهه حلوه
حسيت بلحظة بجو جميل وسرحت ثواني لين قطع هذا السرحان عبارة ما فهمته والتفت والقى الضيفة الي جمبي تقول شيء زي كذا: مارمينج سلامات سى إني
مع إيمائه بامتنان شديد !!
الفلبينية ردت بحماس وفرح وقالت شيء زي كذا اتوقع: بيناجسيسيسيهان
.
.
على طول التفت على الي جمبي بدهشة وسالته كنت تكلمينة فلبيني !!؟ قالت ايه كنت اقوله شكراً جزيلاً
قلت له ماشاء الله عليك حبيت لفتتك هذي جميله بالحييييل
ما تخيلون الفلبينيه صارت لما تجي تباشر على اللي جمبي تعابير وجهه وتعامله معاه فيه كمية حب زيادة حبتين عنا !! شيء جميل جدا اننا نتعلم بعض كلمات الشكر بلغات الخدم
انا اعشق واقدر الي يتعامل مع الناس كلهم بتواضع وحب وامتنان
واحب الناس الي لما اجلس معاها تلهمني
حاليا قاعدة اتعلم نطق شكرا بالفلبيني بس اضبطها بفاجيء لاب لاني دايم اقولها شكراً خلال اليوم لدرجة صارت ما تقول لي عفوا 😛
اكيد ردة فعلة بتكون احلى بالفلبيني !!
الله الله بالخدم ودائما لما تفكرون بالي يفرحهم لا تفكرون بها بطريقتكم انتم شوفوا هم فعلا وش الاشياء الي تسعدهم
وخميسكم جميل يارب
2w
  •   hananalkhuwaiter موضوعك ياساره حلو وذكرني بموقف حصل لي في الكويت ..كنت مع زوجي نتسوق في واحد من مجمعات الكويت ودخلنا محل و كان اللي يبيع فلبيني نفسه شيييييينه و يالله يرد على العالم بطرف خشمه ..المهم سألته عن شي محدد وجابه لي عادي ..لما جابه قاله زوجي سلامة ..يوم ابتسم ذيك اﻻبتسامه كأنه شايف أمه وﻻ أبوه ..استغربت مغقول هالكلمه تسوي كذا ..قالي زوحي .. هالكلمه تسرح فيه في عالم بعيييييد ..تذكره ببلده وأهله وأحبابه كأنهم يمرون قدام عينه فعلشان كذا يبتسم ..الله يجعلنا ممن يدخل الفرحه والسعاده على قلوب عباده .. 6d
  •   jazleeee @hhuu1234 جميل 6h

» LOG IN to write comment.

Normal سارة المطوع
sara_almutawa يا مساء الجمال والإبداع في ثمان واربعين ساعة فقط
ماشاء الله تبارك الله طبعا الثمان واربعين ساعه ما كانت كلها للوحة الفنانة الي اتكلم عنها اعجبتني بتوزيع أولوياتها لاني تعاملت معها عن قرب في وقت ضيق وشفت كيف وزعت وقتها
واحمد لله اني تعاملت معاها لانها اعطتني كمية كبيرة من الإلهام والطاقة الإيجابيه ولاحظت اغلبكم عرف انا اتكلم عن مين !!
واغلبكم قلتوا اسمها بحب وفرح
الفنانة الي ابدعت بهذي اللوحة الي قدامكم وحولتها من لوحة عاديه وباهته إلى لوحة منعشه وجميله وتبهج الروح والعين هي
سحر عدنان
@sahar_kaifi
.
.
طبعا اخترنا قلم الصبورة لعمر اطول
والاقمشة ابدعت فيها سحر بتصميم فستان جميل وقامت بخياطته
مع تصميم شرعه انيقه مرصعه بدورين من اللولو اللوحة قطعة فنية مبهرة وجميلة مع وقت قياسي جدا احب اشكر الحبيبة منيرة
@mnnoor الي عرفتني على سحر وجمال سحر وفن سحر
واحب اشكرك يا سحر
@sahar_kaifi
على هذا العمل الرائع
انت نعمة من الله في عالم الفن والإبداع ارجو لك كل التوفيق والنجاح
اذكر اول ما استلمت اللوحة وقدمنا اللوحة لصديقتي كلنا انبهرنا فيها والمجموعه الي معي كانوا مشاركيني فيها طلبوا مني اتشكر من سحر وفعلا وصلت لها شكرنا وامتناننا بهذا العمل الجميل وقلت لها ان اللوحة تفرح القلب وكان في خاطري اعرف سر جمالها بدون ما اسأل وكانها عرفت وقالت لي حرفيا بنقل لكم ردها وش قالت لي : "اللهم امين ياساره
وانا اشتغل عليها وفي كل دقيقه احس بسعاده لاني حسعد عروسه
واقول ياحظهم مصممات الازياء لما يصمموا وينفذوا فساتين عرايس الحمد لله على نعمه الكثيره التي لاتعد ولاتحصى"

هذا هو سر الجمال والإبداع
ان الفنان يستشعر جمال اللحظة والمناسبه ويطلع منه قطعة تنبض حياة
طلبت منها تسعر لي شغلها ورفضت وقالت انت مثل اختي !!
وسحر صديقة واخت جديدة من عطايا الله لي الجميله في انستقرام
بس انا بعد رفضت واصريت تسعر لي عملها لان الخوات بينهم حسابات 😛
ما ادري اذا تذكرون محل كناري الي بالراشد اتوقع كل الي يعرفونه يحبونه ومقهورين ليه قفل!
المحلات الي تقدم فن يدوي جميل تستحق منا التقدير والاحتفاء ما راح اقولكم بكم سوتها لكني اشوف المبلغ الي طلبته بسيط جداً سحر ام وفنانه وربة بيت ومبدعه
الله يحفظك يا سحر وعقبال ما تفتتحين اجمل واحلى محل للأعمال اليدويه المبدعه والي ما يعرف سحر عن قرب ما عرف روح الفنان الراقي كيف
وتراها مصممة مجوهرات ارجوا لك كل التوفيق والنجاح
واتمنى يا بنات انكم استمتعتوا معاي وعقبال ما تستمتعون بالتعامل مع اجمل فنانه بالرياض
2w

» LOG IN to write comment.

Normal سارة المطوع
sara_almutawa يا مساء الفن والإبداع مع تقرير اللوحة الجميلة
جت مرحلة كتابة عبارة حلوة وبنفس الوقت توثيقها بيوم المناسبه الي راح نقدم فيها اللوحة
بما انها صبورة راح نكتب عليها بالطباشير
لكن بيني وبينكم مع اني متحمسة لفكرة الكتابة بالطباشير قلبي كان معورني كيف فنانة بالخط مثلها بعد ما تكتب اللوحة ممكن مع الوقت اي احد يلمس اللوحة وينمسح الخط وكانها حست بالي في قلبي بدون ما اتكلم !!
انا عندي طبع اذا تواصلت مع فنانات مستحيل اعطي اي شيء او ايحاء ممكن يوقف ابداعها اعطيها كامل الحريه بالتصرف
لانها هي الفنانه وروح الفنان الحر هي الي تبدع وماشاء الله تبارك فجئه قالت لي :
سارة في قلم الصبورة وفكرته انه يعطي نفس لون الطباشير
وما ينمسح الا بالمويه فقط وكذا العبارة تبقى وما تنمسح !! راح اشوف لك اذا ممكن القاه
لان الي عندي خلص !! ما تخيلون كيف حجم سعادتي
ماشاء الله العمل معها جدا مريح
ما ادري كيف ممكن اوصف لكم كيف الاعتناء بالعميل عندها بطريقة مبهرة وفعلا من بكرى راحت ولقت القلم وقالت لي :
يا سارة لقيت القلم لكنه مب مشطوف وراح ياثر على جودة الخط ما فهمت عليها 😛
قالت راح اكتب لك العبارة بالقلم وراح اكتبه مرة ثانيه بالطباشير وشوفي ايش المناسب ؟!
حبيت دقة الامانه عندها وفعلا ارسلت لي هذي الصورة وفهمت قصدها بان القلم مب مشطوف
ايش توقعون اخترت الكتابة بالطباشير او القلم ؟! طيب والقماش والكلفة وش صار عليهم ؟! والفنانة متى بنعرف اسمها
2w
  •   nalsharafi القلم .. حرام الطبشور بسهولة يخترب 2w
  •   gogovich اتوقع القلم اخترتي خصوصا انه الخط جميل حتى ولو هو مو مشطوف واللون ناقع اكثر من الطبشور 2w
  •   gogovich القماش والكلفه اتوقع اطار للسبوره 2w
  •   lmms77 @sara_almutawa يختي ياحلوك دايم مواضيعك مفصله ومفيده وتحمس كمان 2w
  •   ftoom2310 سحر عدنان ماشاءالله عليها فنانه بجد ذوق واختيارك لها برضو يدل على ذوقك الراقي ساره @sahar_kaifi 2w
  •   lola_samuel ماشالله عليك يا ساره انا نمت وصحيت ولسه ماشالله اسلوب التشويق مستمر 2w
  •   83kholoud يجنن اسلوووووبك ماشاء الله ربي يحفظك ويحميك
    وحبيت فيك جانب اعطاء الفنان حرية التصرف
    لان فعلا المبدع يبدع اذا كان طليق حر باافكاره و ابدعاته وثقه بعمله
    بدون تدخل لان ممكن يوتره او يشتت تفكيره
    بس بااعطاءه الحريه الاكيد ان راح يبدع اكثر
    وماشاء الله سحر اتابعه وجددددا مبدعه وفنانه
    واحب عملها
    و حبيتها اكثر من كلامك عنها وطريقة تعاملها مع الكاستمر 2w
  •   bgad5555 مبروك يا ساره 2w

» LOG IN to write comment.

Hudson سارة المطوع
sara_almutawa يا مساء الفن والإبداع مع تقرير اللوحة الجميلة
ما ادري اذا انتم مثلي مستشعرين نعمة وسائل التواصل الاجتماعية الجديدة والسريعة
انستقرام ، واتس اب ، .. الخ
ما ادري كيف انستقرام قدر يخلينا نعرف كل كميات الجمال في الدنيا ونتعرف على ابداع بناتنا وفوق هذا نتواصل معاهم بالواتس اب او اي وسيلة تواصل من خلاله نقدر نتابع سير العمل وحنا في بيوتنا !!
وصلت الفنانة المبدعه لرياض العصر وارسلت لها الأغراض على المغرب ولما ارتاحت واعتنت باسرتها من كافة النواحي ونومت بناتها بدأت معي محادثات الواتس اب وايش ممكن تسوي لي باللوحة بالنسبه لي اول اقتراح بهرني وهو انها اقترحت تصبغ لي ايطار اللوحة اوف وايت وفوق هذا تعتقه عشان يعطي شكل رآئع وطبيعي بنفس الوقت
عبرت لها ان كان خاطري ارسل لها ورد مع الاغراض ما دري كيف ممكن استخدمة لكن الي راح نسوي لها المفاجئه تحب الورد والوقت ما امداني اجيب ورد
وجاء اقتراحها السريع نرسم ورد !! انا هينا الفرحه مب سايعاني
وقامت ترسم لي ورد وتوريني كيف راح يكون قبل تطبقه على اللوحة
ماشاء الله شفتوا كيف الصورة انا هينا ارتحت ان اللوحة بإذن الله بايدي امينه وانها راح تطلع جميلة
اقدر الفنانات الي يمتلكون فن راقي وبنفس الوقت عندها اسرة وتقدر توازن بين فنها وابداعها واسرتها كيف ممكن راح تكون حياتنا وهدايانا بدون وجود فنانات بهذا المستوى !!
خلوكم معي راح اكمل تجربتي
2w

» LOG IN to write comment.

Normal سارة المطوع
sara_almutawa يا مساء الإبداع والإتقان
ماشاء الله تبارك الله اليوم بتكلم لكم عن تجربة لي كانت اكثر من رائعه ولله الحمد مع هذي اللوحة الي بالصورة
هذي اللوحة حبيبة على قلبي وهي عبارة عن صبورة ينكتب عليها بالطباشير وهي لوحة بنفس الوقت تتعلق على الجدار !!
شريته قبل اكثر من سنتين كانت عاجبتني مررره بس وقتها ما كنت عارفة كيف ممكن استخدمها كان في بالي افكار كثيرة مع زحمة الافكار خليتها على جمب
الأسبوع الي فات قررت اني استخدم هذي الصبورة كجزء من هدية لمناسبه حلوة وغالية علي انا ومجموعة من البنات
لكن كان هينا التحدي كيف ممكن نبث الحياة
لهذي الصبورة لاني حسيتها ميته تحتاج شيء يحييها ويخليها تسر النظر والروح
جت الافكار تزدحم في بالي مرة ثانيه
وخفت اركنها سنتين ثانيات 😛 فقرررت على طووول ارسلها لفنانه تعتني فيها وتضيف لها لمساتها الخاصه لاني اثق بذوقها بس الوقت قصير ما عندنا إلا ثمان واربعين ساعه فقط من وقت وصول هذي الفنانه المبدعة لأراضي الرياض الحبيبة !!
لأني لما كلمتها كانت مسافرة وقالت لي انها مستعدة تسوي اللوحه اول ما ترجع الصراحة كان التحدي كبير
ارست لها اللوحة مع قطعة تل وكلفة فيها لولو وعقد لولو صغير من محل الكلف ادوات كانت بسيطه لكن كلي ثقه بفن وإبداع وأفكار الفنانة الي برسل لها هذي الاشياء البسيطه
وش صار ؟
ومن هي الفنانة المبدعة ؟
وكيف كان التعامل معها ؟
وايش حسيت معها ؟
خلوكم معنا اليوم مع اجمل تجربة رآئعه مع تقنيات التواصل الحديثة الي اختصرت اوقات وازمان كثيرة
2w
  •   __kh0 اكيد نوف العبودي 2w
  •   lamyam1993 سحر اللوحه تجنن ماشاء الله 2w
  •   wafa1nassr ايواا سحر الفنانة تبارك الله 2w
  •   rash0rash والله انتي الي مبدعه بذوقك وجمالك كيف حولتي شي بسيط إلى قمه في الجمال.. ماشاء الله تبارك الله عليك 2w
  •   hayounah وهل يخفى الجمال والشغف ؟! ... البنات قالوا منهي ودي انا بعد اقول هههههه بس عشانك مارضيتي ... ياحلوها هالفنانه ♡ 2w
  •   umm_ubad اجتمع الجمالين سارة وسحر 2w
  •   azeza_alshehri @jmol_10 منشني فطوم حلوة بطاقات الدعوة 1w

» LOG IN to write comment.

Hudson سارة المطوع
sara_almutawa مساء العروض الي تبل الريق نختم معاكم تجربتي مع مشغل الجوهرة والتجربة الثانيه هي في الصالون حقهم لما عرفت بفرعهم الجديد بالربرة
وانهم بمناسبة الإفتتاح مسوين عروض خيالية
تحمست ازورهم واجرب شغلهم ورحت لفرع الربوة الجديد كان صغير وبسيط ونظيف جدا جدا
حبيت اجواء المكان والموظفات من سعوديات وفلبينيات مريحات وبشوشات وعندهم بار صغير فيه ثلاجه للمويه والعصيرات والحلويات وفيه غلايه للمويه الحارة مع عده لشاهي والقهوة السريعة التحضير وعندهم قسم للبدكير والمنكير وقسم للكوافيرة وقسم لتنظيف البشرة وعندهم حناية تنقش بالحناء وبرضو عندهم نقش بالصبغة
جربت عندهم تشقير الحواجب وصبغ الحواجب كان الشغل ممتاز جدا وانصح فيه والي سوتها لي فلبينيه وهذا تجربتي فقط مع الصالون
.
.
الآن نقولكم عن عروضهم المذهله والي شكلي راح ادمنهم واصير عميله لهم بسبتها وهذي العروض راح تكون فيّ كل المشغلين
واهم ملاحظة لازم تستغلونه ان العروض راح تكون لمدة شهر واحد و بدأت من يوم الاحد الماضي
وراح تكون بايام محددة من الاسبوع وهي من الأحد إلى الإربعاء
.
.

١- اولا :عروض فرع الربوة الي زرته و صورته لكم كالتالي :
تقديم ثلاث خدمات من اختيارك بخمسين ريال او سبع خدمات بمئه ريال تشمل الخيارات التاليه :
أ- خيارات تصنف تحت خدمة واحدة :
مناكير يد، حلاوة نص يد ،فتلة وجه ، شمع وجه ،
قص اطفال ، قص استريت ، صبغ حواجب ، تشقير حواجب
ب- خدمات تصنف تحت خدمتين :
بدكير قدم ، قص ، حلاوة نص ساق
اتمنى فهمتوا العرض بسوي لكم مثال : مثلا بسوي تشقير حواجب + حلاوة نص يد + مناكيد يد= بخمسين ريال ، والعرض الثاني عليكم المثال .
.
بالإضافة الى خصم 50 ٪ على الماكياج والتساريح والويفي لمدة شهر من الأحد وحتى الاربعاء في فرع الربوة فقط
.
.
.
٢- عروض المركز الرئيسي بحي الورود عروضهم فيه خدمة اختاري خدمتين بخمسين او سبعه خدمات
بمية ريال نفس الي شرحته فوق .
.

بالنسبة لمواعيد العمل في كل الفرعين
من الساعة الثانية ظهرا الى الساعة العاشرة مساءاً
وفرع الربوة فيه أخصائية تنظيف بشرة مرة شاطرة من باريس غاليري
اتمنى قدمت لكم معلومات حلوه وشكرا لتفاعلكم معي واتمنى اني رديت عليكم كلكم مع اقوى هق خاصه بصورة الي تكلمت عن فستاني
3w
  •   04ove @rar41 2w
  •   haf36 بالنسبه لتنظيف البشره تنظفها بالكريمات او باليد وتطلع الحبوب اللي تحت الجلد ؟ وبكم سعره ؟ 2w
  •   aso1409_aso زرتهم عندهم عرض حتى نهاية شهر ديسمبر مكياج 70 والاستشوار والتساريح نصف السعر حتى خميس وجمعه فيها عرض 2w
  •   nadaalammar بالنسبة لتنظيف البشرة تستخدم جهاز خاص للبخار ومن ثم تستخدم أجود أنواح الكريمات من ماركات عالمية ومن ثم تستخدم أقنعة للتنظيف وفي النهاية تستخدم جهاز ليزر لقفل المسامات وأمبولات فيتامين سي مركز حسب الطلب والسعر حسب العرض يومي الإثنين والثلاثاء ١٠٠ ريال فقط ولكن لابد من الحجز مسبقا 2w
  •   aboorahbader وين مكانكم 1w
  •   nadiaalromaih @sho0oda_a_f إذا حابه تسوين عندهم شي 10h

» LOG IN to write comment.

Normal سارة المطوع
sara_almutawa يا مساء الإتقان مع مشغل الجوهرة
احترت وش اختار لكم من الصور الي ارسلوها لي لأعمالهم وبعد تامل اخترت هذي الصورة لتنورة الخضرا عجبتني لانه توضِّح دقة الخياطة عندهم وخيطوها بسعر الف واربع مية ريال .
.

والخياطة بفرع الربوة لكن ضروري تكلمون قبل ماترحون وتستفسرون .
.
وهذي فروعهم :
١-المركز الرئيسي بحي الورود
وهو بشارع مساعد العنقري مقابل الهزاز وما اعرف وصفة لكن عندكم رقمه
وهذا رقم فرع حي الورود : ٠١١٤٦٠٤٨٠٨
٢- فرع الربوة بشارع ابن باديس
الوصف : شارع النهضة من عند نادي وقت اللياقة على اليمين تدخلون أول فتحة على اليمين بعد وقت اللياقة وامشوا على طول على طول لين آخر الشارع فيه العمارة اللي قبل الأخيرة تلقون لوحة صغيرة مكتوب عليها أسم مشغل الجوهرة على يمينكم
رقم فرع الربوة : ٠١١٤٩٦٨٥٩٥
.
.
طيب وش رايكم نطلع من موضوع الخياطة وندخل موضوع العروض المذهله لصالون حقهم والي تافجئت فيها
ماشاء الله شيء جدا مذهل ومغري
تخيلو ممكن تشيلون شعر وجيهكم فتله مع ايدينكم نص بالحلاوة وفوق هذا تشقرون حواجبكم وكله بخمسين ريال فقط مستوعبين معي العرض انا رحت لهم طيران انتظروا بقية التفاصيل بالصوره القادمة
3w

» LOG IN to write comment.

Normal سارة المطوع
sara_almutawa يا مساء الخياط الزين والسنع الي يبل الريق
ويا حلو حماسكم معي قولوا آمييين
الله يسهل لكم جميعا بفساتين حلوه تسعدكم وتعطيكم الطلة الي تفرحكم وترضيكم ومب بس بالفساتين الله يسعدكم بكل اموركم ويسهلها لكم بالدنيا والآخرة
وانا كتب لكم بالصورة السابقة كتبت "لاحظوا ان القماش يحتاج شيء يقوي طلته اكثر واقترحوا وضع تل ناعم .. "
كنت اقصد جيبون ناعم اتوقع فهمتوا علي
الآن تحمست معكم بالتعليقات وشوي واشقل فستاني واصورة
لكن اعتذر منكم
والله الود ودي احط صورته لكن لأسباب خاصه فيني ما اراح اصوره واحطة هينا لكن اذا ودكم ممكن اصوره وارسل صورته لصاحبة المشغل والي يروح لها منكم يورونكم اياه
عموما القماش الي بالصوره مالاحظتوا فيه شيء مع الصورة الي في البرده تاملوه وارجعوا كملوا قراءه فرصة تشوفون قوة الملاحظه عندكم تمرين ذهني 😛
واضح توي طالعه من جو دورات وتمارين
.
.
.
.
هذا القماش سلمكم الله بقايا قماش فستاني والصورة الي بالبردة هو نفس قماشي اذكر وهم يعطوني اقتراحات لموديلي قلت لهم وش رايكم اذا صعب تنفيذة هذا موديل جاهز وسهل لقماشي لكن عجبتني صاحبة المشغل قالت لاء الي بالصورة ناعم وعادي وموديلك اجمل بكثير ابد خلينا عليه وراح يطلع رائع جدا
حبيت روح التحدي عنده اتوقع غيره ممكن يقول خلاص دامه هي اقترحت وشوله دوشه الراس نختار السهل طبعا فستاني كان طبقات فيها ميلان جميل وبسيط وكل طبقه كانت الورود الكبيرة طالعه كامله وواضحه
اتوقع حماسكم زاد لفستاني كلمت تو صاحبة المشغل وقلت له البنات تحمسوا يبون يشفون فستاني لكن كيت وكيت ما راح احط صورته عاد هي فرحت بالحيل لان المشغل ماله صفحة بانستقرام واتشكرت من وقالت انا برسل لك مجموعه صور لاعمالي مع اسعاره واختاري الي تشوفينه مناسب واعرضيه عليهم طيب منهي راعية المشغل ؟
وش اسم المشغل ؟ ووينه ؟
عساه قريب هو بالشرق والا بالشمال ؟!
اسم المشغل هو الجوهرة تملكة الخاله الغاليه الجوهرة لها مشغلين واحد بشمال الرياض وفرعهم الثاني جديد توه فاتح بالربوة وراح اتكلم لكم عنهم بمعلومات كامله بالصورة القادمة بإذن الله مع معلومات جديده حمستني اتكلم فيها معكم وبعدين بتنقى لكم من الصور الي ارسلت لي لاعماله
عموما المشغل الي بالربوة صغير ومن ناحية الشكل متواضع لكنه نظيف جدا ومرتب
ولي فترة ابي انقل لكم تجربتي الناجحه مع الخياط الي يبل الريق وانشغلت لكن عروضهم الرائعه حمستن اعجل لكم بتجربتي
3w

» LOG IN to write comment.

Normal سارة المطوع
sara_almutawa يا مساء الخياطين والخياطات
وش حنا بلا الخياط لازم يحطون عندنا يوم اسمة يوم الخياط العالمي ونقوم فيه بتكريم امهر الخياطين ونشعر كل الخياطين الي بالعالم بالحب والامتنان
قبل فترة كان عندي زواج بنت اخوي ودخلت في الدوامة المعتادة خياط وإلا جاهز ؟!
كل المؤشرات والدلائل لنجاح طلتي في الزواج كوني عمة العروس تقول اتجهي للجاهز بقلب مطمئن وخاصه مع ندرة الخياط الزين هاليومين
وطبيت في بحر البحث
على اساس اني غواص يدور لولو في محيط كبير يبلغ اقاصي العالم
توقعون لقيت فستان ؟! عاد مواصفاتي معقده ابيه حلو بس مب فستان شهرة ابيه فخم بس ناعم ابيه ابيض بس فيه طله بلون بسيط وهكذا دوالايك لقيت الاسود والابيض والزين والشين والغالي والرخيص بس مافيه شيء حلو حسسني اني هذي طلتي الي ابيها قرب موعد زواج بنت اخوي ومابقى إلا شهر فقط !! التوجهات كله تقول مالك الا الخياط واسولف على صديقتي وتمدح لي خياط مشغل وعن تجارب خاصه فيها ولاني اثق بذوقها قررت اتعامل مع المشغل لكن المفاجئة ان راعية المشغل اعرفه معرفيه شخصية امراءة اعمال ناجحه وكثير يمدحون التعامل مع خياطة
استخرت الله وتوكلت وقررت اني اتعامل معاهم ومن حظي ماشاء الله ان راعية المشغل الخالة الحبيبة كانت توه راجعه من السفر واشرفت على فستاني
عندها طاقم من الخياطات الفلبينيات الممتازات جدا قابلتهم واخذوا مقاساتي واعطوني رقم الخياطه الي بتخيط لي عشان استشيرها في نوعية القماش قبل ما اشتريه وفعلا كنت ارسلها واتس اب صور وانا بالمحل وشجعتني على اختيار القماش الي عاجبني وقالت لي انه مناسب لموديلك
ولما جبت القماش عطوني اقتراحات في تغيير بسيط للموديل عشان يعطي طله احلى للقماش وجابوا الخياطه المسؤله عن قص القماش وورتني كيف راح يتم قصه وقامت تنفش القماش وتسفطه تعرفون كيف مشاعري وقتها حسيت براحه عجيبه بحياتي مارحت لخياطه تتعامل معاي بهذي الحرفيه والاتقان اعطوني كل التصورات والاقتراحات قبل قص القماش المقال ما يكفي انقل كل التجربة لكن كان شيء جدا مبهر وبمرحلة البروفه لاحظوا ان القماش يحتاج شيء يقوي طلته اكثر واقترحوا وضع تل ناعم بسيط يرفع الطلبقاات وعجبتني الفكرة وركبوة وطلع اكثر من رائع وحسيت هذي طلتي الي اتمنها ارضوا كل شعوري وما قصرت الخالة الحبيبه اشرافه على الخياط واقترحاته اعطت الفستان رونق جميل لدرجة كل من شافه قال كأنه جاهز والي يقول الفستان كانه من دار ديور
والله بدون مبالغه الاغلب انبهروا بالفستان وكلن كان يسألن عنه وإلى الآن وبعد اربع شهور من حضور المناسبة لازالت تجين اسأله وين فصلتي فستانك ؟! وانتم تبون تعرفون ؟!
3w
  •   _hanoodh_ احس مسألة الفساتين سهل أمرها و تنضبط كثير عندنا الحمدلله حتى غالباً نروح لخياط رجال مو مشغل و تصير شي خيالي وكلن يسألنا عنها هو يعتمد على الذوق بدرجة أولى صدقيني عاد الناس حبو فستانك لأنك انتي راعيته وانتي اللي محليته أكيد 3w
  •   sahar_kaifi حبيت حركة الوتس اب مع الخياطه مرررره مريحه الحركه وخاصة للي ماعندهم خلفيه عن الاقمشه زيي 3w
  •   amanib2 @wedhj . 2w
  •   e_emoo @mira_al.ali 2w

» LOG IN to write comment.

Normal سارة المطوع
sara_almutawa اليوم وصلتني رساله حلوة بالواتس اب دخلت قلبي ما تحملت قلت بحطها لكم والحمد لله على نعم الله الكريم علينا
.
.

تقول الرساله :

تمنى إبراهيم الخليل أن يكون أبوه مسلماً ولم يشأ الله له رغم أنه أبو خليله.. وتمنى نوح العبد الشكور أن يكون إبنه مسلما ويأبيٰ الله رغم دعاء نوح ..
وتمنى محمد صلى الله عليه وسلم أن يسلم عمه ولم يكتب الله له هداية رغم أنه نصر الرسول في دعوته ..
وجعلني وجعلك مسلماً دون سؤال وأعطانا ما لم يعطي إبراهيم في أبيه ونوح في إبنه ومحمد صلى الله عليه وسلم في عمه
أي فضل هذا ؟
اللهم لك الحمد على نعمة الإيمان بك ولك الحمد على شرف الإسلام لك
اللهم وكما وهبتها لنا فأحينا عليها وتوفانا عليها وأبعثنا عليها
آميييين ( إِنَّ اللَّهَ لَذو فَضلٍ عَلَى النّاسِ وَلٰكِنَّ أَكثَرَ النّاسِ لا يَشكُرونَ)
3w

» LOG IN to write comment.

Normal سارة المطوع
sara_almutawa صباح الدهشة والتقدير
وبعيد عن مواقف الإلهام تجي مواقف التقدير !! حظرت مجموعة من الدورات لدحيم لكن اكثر دورتين أبهرتني بمستوى وعي الحضور كان في دورتي قوة الوجود والكاريزما كان المستوى راقي و رائع وملهم وممتع جداً
تدور اثناء الاستراحة حورات ماتعة ومثرية بين الحاظرات تكلمت مع المجموعة الي معي عن موضوع جديد اشوفه صار موضه ويارب تنتهي سريعا!! وهي ان الي يعتني في نفسة ويبدا يتعلم مفاهيم جديدة ومهمة عن تنمية الذات راح يوصل لمرحله يصبح بعدها:
١- شخص اناني ما يفكر الا بنفسه ولا يقدم اي نوع من العطاء
٢-وراح يصير بالنهاية شخص وحيد لا وفوق هذا راح يبحث عن علاج نفسي له
وانا عن نفسي الحمد لله وجدت ان كل ما تعمقت بتنمية الذات اكثر فعلا اصير احب نفسي اكثر لكن هذا الحب يخليني احترم نفسي واقدرها مب يخليني انانيه بالعكس اجد نفسي ازيد في العطاء بدرجات كبيرة جدا يطول الشرح لكن قلت لهم بعض النقاط
هينا جت المفاجئه من أمل وصديقتها رنا في شرح نظرة الناس في التحكم لما تشوفك مسكتي خط ثاني مغاير لها كيف تحاول شتى الطرق انك تكونين نسخه مطابقه لها سهله التحكم بينما الي يحترمك ويحبك يحب انك تكون شخص مغاير له ويتعلم منك ويحترم اختلافك وهذا ينبع من الشخص الايجابي اما الوحدة فهي شيء جميل كانوا الرسل عليهم افضل الصلاة والسلام يختلون بانفسهم لتفكر في الله ومنجاة حب الله اكيد الناس تحتاج الناس لكن مين الناس الي تحتاجه ؟! نقاشات مثريه اعترفت اثناء الحور ان راي الناس يهمني وهذي نقطة سلبيه قاعدة اطور نفسي عشان اتخلص منها قالت لي وحدة من البنات سارة فيك صفه حلوة انت تعبرين بطريقة صريحه مثل الكتاب المفتوح ...الخ وقالت اشياء رفعت من معنوياتي وخلتني اكتشف اشياء فيني ما كنت اعرفها او اما كنت استشعرها مرات التقدير والاحترام يسعدك ويعزز في نفسك شعور الارتقاء اكثر واكثر تعرضت لكميات كبيرة من التقدير في الدورة لدرجة ودي اعطي هق كبير لكل البنات
وانا طالعه رحت الاصنصير وكانت فيه بنت واقفه عنده فتح باب الاصنصير ولاحظت ان جوالها جاه رساله واضطرت تفتح الرساله وبعدها صكت الجوال بسرعه ودخلت الاصنصير
دخلت بعدها قامت قالت لي بسالك سؤال قلت لها اسالي قالت كنتي تنتظريني ادخل قبلك ؟ قلت ايه قالت شكرا على كل كميات الادب وانتظارك لي ادخل قبلك رغم اني انشغلت بجوالي !!
عموما انشغالها كان ثواني بس هي محترمة وحبت تعبر عن شكرها لي
الاجواء اثبتت لي ان النيه لها دور كبير مرات تتعامل مع البعض بكميات عاليه من الادب والذوق في المقابل مايجيك التقدير والاحترام بل يجيك العكس ويخليك تفكر معقولة المشكله فيني
3w

» LOG IN to write comment.

sara_almutawa صباح الفل والنوايا الطيبة
بما اني اتابع حساب صناعة العبقرية لتدريب
@gmcsa
شفت اعلان عن دورة الكاريزما لدحيم الاسم شدني جدا لكن بنفس الوقت حسيت انها الدورة الغير مناسبه لي
انا ابي دورات تعلمني التواضع وش ابي بدورات عن الكاريزما!
في آخر لحضه امس قررت اني اروح لدوره الي كانت اليوم العصر وراسلتهم وطلع فيه مكان شاغر مع اجواء المطر دعيت ربي بحسن ظن وبنية طيبه يارب اذا الدورة مناسبه لي سهل لي حضورة واجعلني استفيد منها كلها حتى بالهام من الحاضرات
اول ما تكلم الدحيم عن الكاريزما قال ان الدورة عن الكريزما لكن الكريزما الروحيه !! هينا حسيت براحه عجيبه وحمدت ربي اني جيت يعني هي مب دورة تعلمك كيف يكون لك كاريزما وتجذب الناس لا هي تتكلم عن مستوى ثاني غير يختلف عن الشعارات الرنانه انا ما راح اتكلم عن دورات الدحيم والطاقات الايجابيه والمعرفيه الي تطلع منها والي تخليك ودك تحلق وتصير طاير بالسماء لاني تكلمت عنها في تقارير سابقه في صفحتي بالصور القديمة
راح اتكلم عن الالهام من الحاضرات كان هناك كمية كبيرة جدا ما تكفي المقاله اكتبها ولا عمري تعرضت لهذي الكمية الكبيرة من الالهام في خمس ساعات فقط !! يمكن اقعد مع ناس خمس سنين ما اطلع ولا بعشرين بالمية من كميات الالهام الي طلعت به من ناس ما اعرفهم فقط جمعتنا كراسي ونية حلوة في قلوبنا نتعلم شيء يفيد ذواتنا
.
.
يا حبيبي يا حبيبي كيف وشلون وش قاعدة تقول امل😦 ؟!
دخلنا جو كبير من الاندماج مع الدحيم بالنسبه لي قمة الاندماج هي اني ما اكتب بالمفكرة ولا امسك القلم الا نادرا و استشعر كل كلمة لان الكتابه صحيح بتحفظ المعلومات بورقة لكن ماراح تحفضها في عقلي ولحظتي الآن !! قعد الدحيم يتكلم عن حب اللَّه بطريقة تستشعر فيها الحب بكل ذرة في جسمك فالله يضحك والله رحيم والله عفو ويذكر لنا احاديث رائعه تعيش معها في حب لله وكيف حب الله ليس فقط في الطلب والحاجه هي مناجه لله فقط بغرض الشكر والحب والامتنان لله
بعد كذا ارتاحت نفسي وفهمت مشاعر امل وحسيت بكمية الجفاف الي عندي في التعبير عن حب الله لاني كنت اعبر فقط في سجادتي او لما ارفع يديني لله بالدعاء او في سجود الشكر بينما امل الحبيبه الي جمبي كانت كل ما كلمنا الدحيم عن الله تعالى وتبارك كانت تقول يا حبيبي بخشوع وحب واحترام حسيت برقة مشاعرها التلقائيه والبريئه في اظهار مشاعر جميلة لرب ينظر لقلوبنا وما ركز بها من حب فيكلنا إِليه
وكل علامات التعجب
اختفت وتمنيت اني مثلها كنت اتمتم واقول يا حبيبي يا حبيبي اللهم ارزقنا حبك، وحب من يحبك، وحب كل عمل يقربنا إلى حبك
3w

» LOG IN to write comment.

Normal سارة المطوع
sara_almutawa يا مساء الخير والجود والكرم من رب كريم
يا مساء الغيث الغدق
كيفكم مع اجواء المطر الممتعة والبرادات
يارب لك الحمد الله يجعلة امطار خير وبركة على الجميع
ويجعلة غيثا غدقا
"و الغدق هو المطر الكثير العام ، وقد غيدق المطر : كثر "
وأرض غدقة : في غاية الري وهي الندية المبتلة الربى الكثيرة الماء " * المكتبة الإسلامية اسلام ويب .
من اجمل الاشياء الى تربينا عليها منذ الصغر ان المطر فرصة ثمينة لدعاء باب الإجابة مفتوح انت فقط ارفع يديك وقل يالله
لحضات المطر عندنا مب بس مرتبطة بإجابة الدعاء مرتبطة حتى بالوفرة والخير والزرع
الارض والدواب ترتوي والعيون تفيض والخير يكثر حاله عجيبه من الفرح والحركة والنمو والخلق الجديد من الثمار والاعشاب هذي الحاله تعطينا شعور قوي بقولة تعالى "يحيي الارض بعد موتها "
وتجعلك تفكر في قولة تعالى "إنما أمره إذا أراد شيئا أن يقول له كن فيكون "
ثم نحس بنشوة فرح لنتذكر القرب !! من منا لا يرد القرب منه سبحانه وتعالى اي قرب هو احنّ والطف من قرب الحنان المنان فيأتي سريعاً قولة تَعَالَى " وإذا سألك عبادي عني فإني قريب أجيب دعوة الداع إذا دعان "
ثم ناخد نفس عميق لنتذكر قوله تعالى:" نحن اقرب إليه من حبل الوريد "
اي قرب اي حياة اي خلق ونحن نعلم ان الدعاء مجاب مع كل تلك اللوحة الربانية في إحياء الارض والدواب بل والمشاعر والفرح تطمئن القلوب اللهم احيي دعواتنا واستجب لنا واكتب لنا كل ما نرجوة من جود كرمك فجميل حسن ظننا بك خيرا غدقا طيباً وفرج لنا من كل هم فرجا ومن كل كرب عافية آمييين
ولنتذكر حين ندعو ونُأمّن و نشعر بكل لحظات الرغبة في الإجابة ان لابد ان نتذكر قوله تعالى في الحديث القدسي "أنا عند ظَنِّ عبدي بِي، فَإِنْ ظَنَّ بِي خَيْرًا فله الْخَيْرُ "
فتذكر انت من تختار بظنك اتجذب لك الخير من الله ام ظن السوء من نفسك ؟! وتذكر آخرا قوله تعالى :" ولو أنهم رضوا ما آتاهم الله ورسوله وقالوا حسبنا الله سيؤتينا الله من فضله ورسوله إنا إلى الله راغبون"
ان اذا جاءك بلاء لابد ان ترضا وتسلم !! ثم تدعوا بجميل حسن ظنك بالله فثق عندها ان نيتك الخالصه المسلمة لله لا تعود إليك الا بالخير الغدق الوفير الكثير فانا لا اتكلم عن كرم تستطيع تخيله هو كرم من رب كريم وعدنا برؤيته كمؤمنين"إلى ربها ناظرة"
وكما جاء في حديث الرسول علية افضل الصلاة والتسليم : "إنكم سترون ربكم كما ترون القمر لا تضامون في رؤيته "
اللهم بلغنا رؤيتك يالله ونحن في خير غدق وسعادة عشنا حيتنا في بلاء العبادة لنكون ممن احسن عملا واحسن ظنا واجعلنا واهلينا واحبابنا من اهل الفردوس
3w
  •   ms_b6h اللهم امممممممممين 3w
  •   hana_bsm اللهم اامين كلااام جميييل كصاحبته 3w
  •   umm_ubad مساء الانوار والا مطار والبركات اللهم امين 3w
  •   basimah_h امين يارب 3w
  •   basimah_h معليش اسمحي لي ساره ما أحب أعلق على موضوع ثاني غير الصورة بس مضطره.. ودي بساندوتشات تنفع لعصريه مزرعه كل شي جربناه بس اذا عندك شي لذيذ ياليت تفيدينا.. شكرا لك.. والله يجعلها أمطار خير يارب @sara_almutawa 3w
  •   frecoffee الصورة جميله 3w

» LOG IN to write comment.

sara_almutawa بونا سيرا
نختم معكم تقرير تجربتي لبياتو ريستورانتي
بهدي الصورة
.
.
اخبر لما وصفت لكم الخرشوف قبل اذوقه نهله الحبيبه من دبي قالت :
بيي الرياض بس عشان هالمطعم
نهلة حنا نبيك عند كلمتك وتيين نبي نشوفتج
حياج الله عندنا
بس الصراحة مرررررره تفاجئت وانا اقراء المنيو وشفت هذي العبارة بالاحمر شفتوها بالصوره يالله ردوا شوفوا الصورة
بعدين تعالوا هني كملوا قراءة ؟! .
.
.
.
مكتوب على المنيو من الخلف ان مطعم بياتو راح يفتح قريبا في دبي
حركاااات واضح انه مطعم ناجح وله جماهريه كبيرة وان تضاربت حوله الاراء .
،
مستوى الاكل الي جربته وعجبني في #بياتو تسعة من عشرة
الاجواء والديكور رغم ان الوانهم غامقه وما تمثل ذوقي اعطيهم عشرة على عشرة
نظافة الاكل عشرة على عشرة
طريقة تقديم الاكل سبعه من عشرة
نظافة المكان عموما تسعه ونص من عشرة لان قماش الاسفنج الي مركب على الكراسي كان فيه بقع
الخدمة تسعه ونص من عشرة
نجي للاسعار هذي المرة تذكرت وصورت لكم الفاتوره عشان يكون تقرير متكامل، سلمكم الله الاسعار كالتالي : الخرشوف باربع وخمسين ريال
بيتزا الماعز باربع وخمسين ريال
اللزانيا باربع وستين ريال
صحن الحلويات المكون من ثلاث انواع ثمانية وثلاثين ريال
الببسي بثمان طعش ريال
.
.
الخرشوف وشو هالخرشوف الي هبل بالبنات
بحثت عنه طلع نبات لونه اخضر واسمة ارضي شوكي
عاد التايم لاين مخضر قلنا نحط قلوب خضر مع مبارة السعودية وقطر الله يوفق الجميع وان شاء الله الكاس وموطن الخرشوف شمال أفريقيا والي فهمته مثل الفقع يطلع من نفسه راحوا الاوروبين وزرعوه في جنوب أوروبا قبل ألفي سنة يعني اكيد انه لذيذ وجاز للاوروبيين
وله فوائد كثيرة منها :
يحتوي الخرشوف على نسبة عالية من الألياف والماغنيسيوم والكروم

وفيتامين ج وحامض الفوليك والبيوتين والمانجنيز والبوتاسيوم وفيتامينات النياسين والريبوفلافين والثيامين وفيتامين أ.

ويمكن استخدامه في الوقاية من الكثير من الأمراض ,

مثل أمراض القلب والأوعية الدموية وإضطرابات الكلى والكبد والإكزيما والسكري والنقرس والبواسير وتجدد الخلايا الكبدية. وهذه هي بعض فوائده واستخداماته. "

المعلومات من الخال ويكيبيديا
وتمسون على الف خير استمتعت معكم بنقل تجربتي الجميله
4w
  •   selectthebesttm @sara_almutawa تقرير ممتع مع اني رحت كثير لبياتو بس وصفك غير انا اعشق بياتو بس في البيتزا والمقبلات لاكن لازانيا وهذي الاطباق مااحبها ولااطلبها،جربي شوربة البصل لذيذة 4w
  •   frecoffee من عشاق بياتو بس خليتيني احبه اكثر 4w
  •   __ime11 متى تنزلين تقارير بعد خلاص صار ضروري ادخل حسابك يوميًا مرره يونس مع اني ماروح للأماكن الي تكتبينها بس استمتع بقرائتها مره 3w
  •   lamazahrani اذا رحتيه مرة ثانيه غير مكرونه الراڤيولي بجبن الماعز بالبينك صوص لا تطلبين + مقبلات الكرسبي شريمب 3w
  •   hind206 @basmah_ab هذا المطعم اللي ابي اعزمك فيه بس الله ييسر 3w
  •   atheersaeed امانه لو بتروحين له مره ثانيه جربي الريزتو مع الروبيان واليمون تجننوكمان الفوتيتشيني نكهتهم غير ولذيذه ️كمان الخضار المشويه مع جبنه الماعز 2w

» LOG IN to write comment.

sara_almutawa بونا سيرا
نكمل معكم تقرير تجربتي لبياتو ريستورانتي
.
.
بعد ما طلبنا جت على طول السلطة المجانية مع سلة خبز الباقيت
وكانت السلطة لذيذة والخبز طري جدا مقارنه بقساوة الباقيت توقعنا الطلبات بتطول ماراح تجهز بسرعة مع هالزحمة !! لكن المفاجئة كانت انهم على طول جابو الخرشوف ما مدنا نقول بسم الله جت البيتزا وكذا دولايك جدا سريعين فاجئونا راكموا الاطباق بالطاولة وهذا الشيء ما حبيته ابد يناسب الي جوهم كلش سريع سريع انا احب الروقان عموما مع الزحمة ما قدرت استغل جمال المكان بخلفية التصوير اضطريت اصور من جهة الجدار عشان الناس ما اتطلع
.
.
وأخيرااا ذقت الخرشوف
كلمة لذيذ قليله بحقه لذيذ بشكل مب طبيعي فكرتة تغمس قطع الباقيت بصوص الخرشوف الي جاء حار ومليان جبن يتمطط وقطع سبانخ وخرشوف بسخاء وفوقه قطع من الطمام طعم خلطة الاجبان مع الخرشوف والسبانخ شيء جدا مجنون ومع قطع العنب اعطت طعم نكهات مميز ولا يقاوم
اعطي الطبق عشرة على عشرة كامل مكمل
وانصح فيه وبقوة
نجي لبيتزا الماعز مع الطماط المجفف كانت لذيذه بشكل مب طبيعي مذاق رايق ما عمري ذقته في بيتزا بهذا التوازن العجيب والمميز ، ونكهة جديده علي وممتازة وفوق الوصف اعطيها تسعه ونص من عشرة
اما الازانيا هينا بدت المطبات او الاسهم تنزل طعمها ينوكل بس عاديه جدا جدا جدا ومستحيل تنطلب مرة ثانيه
تقييمي للمالح من تجربة الخرشوف وبيتزا الماعز لذيذ جدا ويستحق المطعم التجربة وبقوة وان شاء الله بروح لهم زيارة نهارية ابي استمتع بمذاق مميز واشوف الجو بالنهار كيف
اما من ناحية الازانيا فهي سيئه الواحد اذا راح مطعم يا ياكل شيء يخليه يستمتع او ليه يتعب نفسه بمشوار ياكل في البيت افضل
هل بعد كل هذي الطعامة في المالح حتى الحلى بيكون لذيذ؟
نادرا اجد المطاعم تضبط المالح والحلو مع بعض طلبنا صحن الحلى الي يجي ثلاث انواع كان الكريم بروليه لذيذ جدا جدا لكن يسمحون لي هذا مب كريم بروليه هذا كستر لذيذ وفوقه طبقة السكر المحروقه المقرمشة اللذيذة يعني محبي الكستر وانا منهم بيعحبهم
اما الجيلاتو كان بالفستق لذيذ بس مب واو والتراميسو كانت سيئه جدا وهي النتيجتين الي طلعت فيهم بمطعم #بياتو الاولى : ناس ذاقوا الخرشوف وبيتزا او اي طلب وتوفقوا بطعمة
الثانية : طلبوا لازانيه عاديه وتيراميسو سيء وصنفوا المطعم سيء
مع التقرير جاني تعليق امراتي حلو خلوكم مع الصورة الاخيرة
4w

» LOG IN to write comment.

sara_almutawa بونا سيرا
نكمل معكم تقرير تجربتي لبياتو ريستورانتي
.
.
وجاء دوري انا عشان ادخل في المضاربة
امزح
قصدي ادخل بجو الآراء المتضاربة حول مطعم بياتو واحدد هل ذوقي مع مذاق مأكولات المطعم او لاء ؟!
وطلعت بنتيجتين ثنتين راح استعرضهم خلال هذا التقرير
واخيرا قعدنا بطاولتنا الي كانت بسيطه جدا مصنوعه من الخشب والكراسي من الخشب وحاطين للقعدة مخدة مربوطه على الكرسي اما الظهر ماله الا تسنده على خشب او تعلق ظهرك بالهواء
والطاوله عليه كاس بسيط فيه شمعة
مسكت المنيو الحلو فيه انه مليان صور للأطباق وهذا الشيء يساعدك تختار طبقك عجبني صورة في المقابلات لطبق اسبريسو الشوربه عبارة عن ثلاث انواع من الشوربات كل نوع مصبوب بفنجال اسبريسو مصنوع من الصين الابيض ومحطوطه الفناجيل الثلاث بصحن ابيض !! الفكرة مبتكرة وانيقه بس ما طلبته الخيارات كانت كثيره ومحيرة لكن مسكنا اول خط في الطلبات وهو طبق الخرشوف للمقبلات الي كلن كان يمدحة وطول الفترة الي فاتت وانا اتخيله وهذي صورتُه
كملنا تصفح للمنيو وقررنا نختار بيتزا والانواع كانت محيرة جدا لكن اثق بذوق دلال الربدي قالت ان بيتزا جبن الماعز عندهم لذيذه وقعدت اقرا مكوناته
جبن ماعز طماط مجفف وروز ماري خلاص انهيار قلت ابيها جاء دور الروزيتو والمكرونه وش نختار يا روزيتو او مكرونه بعد مداولات كثيره قررنا نختار مكرونه واخترنا الازانيا محبوبة الجماهير وبكذا تم الطلب !!
وفقرة الحلى بتكون بعدين
اذكر قبل ماروح لمطعم #بياتو توقعت مع هذي الزحمة اكيد الاسعار رخيصة لكن المفاجئه ان الاسعار مب رخيصه ولا مبالغ فيها بالغلاء لكن غاليه
ما احد منكم علق علي لما قلت طاسة الرعبة غريبه ؟!
قبل ندخل فقرة تقييم الأكل قعدت اتفرج على رواد المطعم وخلاني انبسط بشكل فوق ما توقعونه حسيت براحة عجيبه تدرون لية ؟! شفت كل التنوع السكاني في الرياض ملتقيه تحت صرح هذا المطعم العظيم
جد والله اغلب المطاعم الي اروح له كله بنات سعوديات وفوق هذا اكون المنقبه الوحيدة بينهم او من الاقليات
شفت الاسر السعوديه المحافطة جدا جدا من زمان ما شفت اسر محافظة وفاهمين علي ايش يعني محافظة وبجانبه اسر سعوديه عاديه واسر سعوديه متحرره وفوق هذا التنوع كان مليان اسر عربيه من كل الجنسيات من زمان ما شفت مطعم يجمع كل هذا الخليط الرائع حسيت بالانتماء بشكل جميل جداا
وعشان كذا قلت طاسة الرعبة الصراحه تراي ما اعرف وشي طاسة الرعبة بس اذكر بمسلسل جميل وهناء كانوا اذا احد ارتاع الام تقول جيبوا طاسة الرعبة اتمنى اذا احد متابعاتي العربيات يعلمونا وشي فكرة طاسة الرعبة
خلونا نستكشف الخرشوف
4w

» LOG IN to write comment.